Yewîya Cinîyan ê Ciwanan a Şingalî û Yewîya Ciwanan a Êzidxanî de Hemleya 1ê Hezîrane bi rayraşîyayîşêkî û bi şîarê 'Bi ruhê Apoyî xwe nû bike, cenga azadiyê ser bixe’  ameye selamkerdene. Rayraşîyayîş de posterê Rayberê Şarê Kurdî Abdullah Ocalanî û alayê HPG û PKKyî ameyî kiriştene. 

Dima ciwanan eşkerayîyêke daye. Eşkerayîye de ame parekerdene ke dewleta tirke ya îşxalkere her ca de kurdan kena hedef û vera Şingalî zî planê Peymana 9ê Teşrîna Verêne ana ca. Eşkerayîye de bale ameye ancenê xoverdayîşê Kampa Mexmûrî ser û ame îfadekerdene ke Iraq ganî goreyê waştişanê dewleta tirke têmegêro. 

Ciwanan vat: ''Ma do vera nê kerdişan bêveng nêmanê û bi ruhê 1ê Hezîrane têkoşînê xo rê dewam bikerê.''