Gerîlayê Yewinanê Xelisnayîşê Kurdîstanî (YRK) Rêwar Melikşahîyî derheqê polîtîkayanê şerê taybetî yê Îranî yê vera ciwananê Rojhelatê Kurdîstanî de ANFyî rê qisey kerd.

Rêwar Melikşahîyo ke kelhorîyanê şaristanê Îlamî ra yo îfade kerd ke ganî ciwanî verê polîtîkayanê şerê taybetî de baldar bibê. Rêwar Melikşahîyî vat: ''Kurdîstan her ca ra ameyo îşxalkerdene. Ma sey gerîlayan cewabê hêrişan danê û nêverdenê ke dişmen îşxalê xo hîra bikero. Ganî şarê ma armancê dişmenî fam bikero. Ewro daristanê Kurdîstanî yenê vêşnayene, merdimê ma yenê qetilkerdene. Ganî şarê ma seba ke raştîya dişmenî fam bikero verê înan de baldar bibo.''

Melîkşahîyî bale ante xoverdayîşê gerîlayan ê Zap, Avaşîn û Metîna ser û vat: ''Nê prosesê tarîxîyî de ganî ciwanê Rojhelatê Kurdîstanî wayîrê nê xoverdayîşî vejîyê. Nê şerî sere de şarê Kurdîstanî qederê pêro şaranê Rojhelatê Mîyanênî vurna û do bivurno. No zî xêrê îdeolojî û felsefeya Rayber Apoyî ra yo. Seba ke fikrê Rayberîye bêrê astengkerdene o yeno tecrîdkerdene. Ganî şarê ma seba azadîya Rayber Apoyî û Kurdîstanî çalakîyanê xo aver bero, bizêdîno."