Gerîlaya Komelgehê Cinîyan ê Azadan ê Rojhelatê Kurdîstanî (KJAR) Elefterîya Gabar Cizîr bi wesîleya serrgêra 27. ya şehadetê Zîlane (Zeynepe Kinaci) ANFyî rê qisey kerd.

Gerîla Elefterîya Gabar Cizîr pare kerd ke Zîlane bi fedayîtîya xo û heskerdişê xo yê cuye îsbat kerd ke eşkena her çî bikera. Elefterîya Gabar Cizîr vat: ''Embaze Zîlane xo Rayberîye de yew kerd û pê çalakîya xo dîyar kerd ke hişmendîyêke zî nêeşkena hêz û îradeyê cinîyan bivisno binê serwerîya xo. Ma do heta peynî têkoşînê Zîlane teqîb bikerê û bibê layîqê aye. Zaf embazê ma rayîrê Zîlane de şîyî û menga hezîrane de şehîd bîyî. Embaze Zîlane prosesî rê bena cewabêko xurt. Embaze Zîlane mojna ke qet yew hêz nêeşkeno îradeyê cinîyan bişikno. Ma do tim xeta xoverdayîşî ya Şehîde Zîlane de têkoşîn bikerê. Ez pêro şehîdanê hezîrane şexsê embaze Zîlane de yad kena. Ma do pê têkoşînê xo bibê layîqê înan.''