Endamê Komîteya 'Abdullah Ocalanî rê Azadîye' ya Başûrê Kurdîstanî Şoreş Xidirî derheqê tecrîdê giranî yê vera Rayberê Şarê Kurdî Abdullah Ocalanî de ANFyî rê qisey kerd.

Xidirî da zanayene ke tecrîdê Îmraliyî şexsê Ocalanî de vera kurdan yeno kerdene û vat: ''Rayber Apo lîderanê bînan ra cîya yo; o lîderêko bitesîr o. Plan û felsefeyanê ey zaf tesîrê komelî kerd û kurdan de yew hişmendîye viraşte. Coka modernîteya kapîtalîste o sey tehlukeyêkî dî û tecrîd vist dewre. Têgêrayîşê azadîye ra verî merdimî tersayêne vajê ke 'ez kurd a.' ''

Şoreş Xidirî bale ante cezaya dîsîplînî ya vera Rayberê Şarê Kurdî ser û vat: ''Nê cezayî huqûqî ney sîyasî yê. Rayber Apo nêeşkeno di serrî yo keye û avûkatanê xo bivîno. Nê kerdişî dûştê heqanê merdiman û huqûqî yê. Ganî şarê kurdî pê çalakîyan tedaya rêxistinanê mîyanneteweyîyan bikerê ke tecrîdî wedarnê. Tecrîdê vera Rayber Apoyî teyna meseleya kurdan nîya meseleya pêro merdiman a. Azadkerdişê Rayber Apoyî azadkerdişê pêro kurdan o. Coka erkê her kesî yo ke wayîrê Rayber Apoyî vejîyê. 

Sey endamêkê Komîteya 'Abdullah Ocalanî rê Azadîye' ez venga pêro kurdan dana ke kamca de benê wa bibê wayîrê Rayber Apoyî vejîyê, seba ke tecrîd wedarîyo tedaya dewleta tirke bikerê.''