Dersime Konak û Hayatî Gungorene yê ke operasyonê qirkerdişê sîyasîyî yê 22ê tebaxa 2017î yê Dêrsimî de ameyî destbenderdene badê 34 aşman ameyî veradayene.

Roniştişê 18. yê dewaya ke 2ê înan tepişte 6 kesî bi îdîayê endamîya rêxistine yene hukmkerdene, Mehkemeya Cezaya Girane ya Dêrsimî de ame kerdene. Konake û Gongoren Zîndanê Curnê Reşî yê Riha  ra bi sîstemê SEGBİSî tewrê ci bîyî. Avûkatê wird tepişteyan û Serekê Baroyê Dêrsimî Kenan Çetîn de salona mehkeme de amade bî. Heyetê mehkeme qerarê serbestveradayîşê Konake û Gongorenî da û roniştişo bîn 19ê çeleyê 2021î rê peyde eşte.