Dêrsim û Çewlîg de Partîya Çep a Keske namzetanê xo reyde xebatanê weçînayîşî rê dewam kena.

Çewlîg

Çewlîg de namzetanê Çewlîgî yê Partîya Çep a Keske Omer Faryk Hulaku, Cemîle Turhalli Balsak û Faruk Arisî Çewlîg de tay zîyaretî kerdî. Heyetî verî qezaya Xoşkar (Sancax) de esnafî zîyaret kerd. Heyetî dima bazarê merkezê şaristanî de şarî reyde ame têhet.

Wextê fitarî de zî namzete Cemîle Turhalli Balsak cinîyan reyde fitar kerd.

https://twitter.com/yesilsolbingol/status/1648362437924605955?cxt=HHwWhsC-2ey5lOAtAAAA

https://twitter.com/CemileTurhalli/status/1648356989615890435?cxt=HHwWhoCz0dv8keAtAAAA

https://twitter.com/CemileTurhalli/status/1648356479177572352?cxt=HHwWgIC-yYDfkeAtAAAA

Dêrsim

Namzeta Dêrsimî ya Partîya Çep a Keske Aytene Kordu, Wekîlê HDPyî yê Dêrsimî Alîcan Onlu û Îtîfaqê Kede û Azadîye qezayanê Pêrtag û Xozatî de buroyê weçînayîşî akerdî.

Pêrtag de  heyetî verî esnafî zîyaret kerdî. Aytene Kordu akerdişê buroyî ra verî qisey kerd û vat: ''Ma nê weçînayîşanê tarîxîyan de rejîmê tekperestî bişawê û 15ê gulane de rojêka weşe rê haya bibê. Ma Meclîs de pîya têkoşînî rê do dewam bikerê. ''

Akerdişî ra dima şarî govende girewte.

Xozat de zî heyetî verî esnafî zîyaret kerd û dima buroyê weçînayîşî akerd. Tîya de Serekê EMEPî yê Dêrsimî Ergîn Tekîn, Temsîlkarê SMFyî Evrîm Konak qisey kerd. Nînan ra dima Aytene Kordu qisey kerd û vat: ''Vera bawerî û nasnameyê ma tedayê cidîyî est ê. No dewrê tedayan do biqedo û ma bi ziwan, kultur û nasnameyê xo vera hêrişan têkoşîn bikerê.''