Dewa elewîyan de cemxane çin o la camî ra ezan veng dano
Dewa Pirda Sûre ya qezaya Pilurî ya Dêrsimî de cemxane çin o la camîyo ke Darbeya 12ê Êlule de virazîyabi ra, rıje 5 reyî ezan veng dano.
Dêrsim de polîtîkayê asîmîlasyonî dewam kenê.
Dewa elewîyan Pirda Sûre ya qezaya Pilurî ya Dêrsimî de wextê Darbeya 12ê Êlule de camî virazîyabi. Na dewa elewîyan de cemxane çin o la panc mengî yo roje de 5 reyî pê hoparloran ezan veng dano.
Rixmê nêrazîbîyayîşê şarî zî rewşe dewam kena.
Dewijan da zanayene ke ê elewî yê û pare kerd ke dewe de camî nêwazenê. Dewijan vat: ''Ma nêwazenê dewe de ezan veng bido. Wa xizmet bêro keyeyê ma. Herinda camîyî de wa cemxane bêro viraştene.''
