Komeleya Rojnamegeran a Dîcle-Firatî (DFG) derheqê binpaykerdişanê heqanê rojnamegeran de raporê menga adare eşkera kerd.

Rapor de dîya zanayene ke îqtîdarê AKP-MHPyî teda û hêrişanê xo yê vera çapemenîya azade rê bêmabên dewam keno. Rapor de ame parekerdene ke menga adare de 8 rojnamegerî raştê hêrişî ameyî, 16 rojnamegerî ameyî destbendkerdene, yew rojnameger tepişîya û 330 xeberî ameyî astengkerdene, 4 rojnamegeran rê tehqîqat û 5 rojnamegeran rê dewa ameye akerdene. Goreyê raporî di rojnamegerî adare de karî ra ameyê vetene, 8 keyepelê xeberan ameyê qefiilnayene.

Rapor de ame parekerdene ke her ke weçînayîşî benê nêzdî AKP-MHP seba ke serê raştîyan bigêro hêrişê rojnamegeran keno û pê cezayan weşananê azadan keno hedef.