Rixmo ke HPGyî bira çalakînêkerdişî dabî artêşa tirke ya îşxalkere hêrişanê xo rê dewam kerd. Nê hêrişan de di gerîlayî sey esîran kewtî destê dewleta tirke. Di gerîlayan ra xeberêke çin a. Keyeyê înan qerqilîyenê.
HPGyî Erdlerzê Mereşî yê 6ê Sibate ra dima bira çalakînêkerdişî girewtbî û hema zî tewirê çalakînêkerdişî rê dewam keno. La dewleta tirke ya îşxalkere hêrişanê xo rê dewam kena coka mabênê gerîlayan û artêşa tirke ya îşxalkere de pêkewtişî qewimîyenê.
Bi taybetî artêşa tirke ya îşxalkere vera tunelanê şerî yê Warê Xoverdayîşî yê Çemçoyî bêmabên hêriş kena û tîya de pêkewtişî qewimîyenê.
Goreyê agahîyanê ke çimeyanê herêmîyan dayê, nê pêkewtişan de 2yê hezîrane de gerîla Sarîna (Gulîstane Gulmez)a ke 1990 de Mersîn de dadîya xo ra bîya û 3yê hezîrane de gerîla Xabûr (Hesen Remzî)o ke 1996 de Efrîn de dadîya xo ra bîyo, halêkê birîndarî de kewtê destê dewleta tirke.
Yeno parekerdene ke di gerîlayî bi rojan o raştê îşkence û teda yenê, înan rê îtîrafkerîye yena ferzkerdene. Keyeyê wird gerîlayan nêeşkenê domananê xo ra xeberêke bigêrê coka qerqilîyenê.
