Gerîlayî Turan Ozel û Şîlane Okmen yê ke 1ê êlule de Miksê  Wanî de şehîd bîyî memleketê xo de ameyî definkerdene.

Cenazaya gerîlaya HPGyî Turan Ozelî  vizêr memleketê ci Êlih de bado ke wezîfeyê ci yê dînîyî ameyî caardene Goristanê Asrî de ameye definkerdene. Polîsan destûr nêda ke şar tewrê merasîmî bibo. Şaro ke teberê goristanî de dîya vindarneye bi slogananê ‘’Şehîdî Nêmirenî’’ qîrayî.

Cenazaya gerîlaya YJA Starî Şîlane Okmen zî ameye berdene dewa Evîna ya qezaya Stewrî ya Mêrdînî. Polîsan dormeyê goristanî girewt û destûr nêda şar tewrê merasîmî bibo. Keyeyî waşt camî de cenaza bişo û wecîbeyanê ci yê dînîyan bîyaro ca la berê camî ame qefilnayene û destûr nêdîya. Keyeyî nêrazîbîyayîş mojna û vat heta ke wecîbeyê dînî merç caardene ê cezanaya xo defin nêkenê. Dima ra ber ame akerdene û cenaza ameye şutene û definkerdene. Semedê Okmene xeyma tezîye ameye ronayene.