Domanan ra heta kokiman şarê Mexmûrî nobete de yo
Şarê Mexmûrî vera artêşa Iraqî ya ke wazena kampe bikera kampa komkerdişî, domanan ra heta kokiman nobete gêno.
Artêşa Iraqî 2 rojî yo xîret kena ke pê têlan dormeyê Kampa Şehîd Rûstem Cûdîyî ya Mexmûrî bigêra û kampe bikera kampêka komkerdişî.
Xoverdayîşê şarê kampe yê vera nê xîretî dewam keno.
Cinî, doman, ciwan û kokimî zî tede pêro roniştoxê kampe şewe ra heta roje nobete gênê.
Roniştoxê kampe wazenê ka wa artêşa dewleta Iraqî xo apey bianca.
