Dewleta tirke ya îşxalkere dewa Behreva ya qezaya Xanesorî ya Şingalî pê droneyê çekdarî daye bombayan ver.

Dîya zanayene ke netîceya hêrişî de birîndarî est ê la detayî nêameyî girewtene.

Meclîsê Xoserîya Demokratîke ya Şingalî vizêr bi eşkerayîyêke dabi zanayene ke teyarayê dewleta tirke serê Şingalî ra gêrenê û vatbi beno ke vera Şingalî yewna hêrişê hewayî bêro kerdene.