Îdiro ke merkezanê bazirganî, zîret û heywankarîye ra yew o ambargoyê ekonomîkî yê dewlete ra mîyanê vêşanîye û xizanîye de yo.

Îdir de berê sînorî yê Dîlucuyî yêAzerbaycan-Nahçivanî, berê sînorî yê Alîcanî yê Armenîstanî û berê sînorî yê Boralanî yê Rojhelatê Kurdîstanî est ê. La bi serran o şaristanî ser o ambargoyo ekonomîk ê îqtîdarî est o. Şarê Îdirî rê bazirganîye ameye qedexekerdene.

Wekîlê HDPyî yê Îdirî Habîp Eksîkî îfade kerd ke qefilnayîşê beranê sînorî yeno manaya destsernayîşê çimeyê debare yê şarê Îdirî. Eksîkî vat: ''Rixmo ke sînorê xi de hîrê welatî est ê, Îdir de bazirganîye kêm a la xizanî, vêşanîye û bêkarîye zî zêde ya. Anêkerdişê beranê sînorî nêzdîbîyayîşê dişmenîya îqtîdarî yo. Îdir de karo verên akerdişê beranê sînorî yo. Eke berî abibê şaristan do aver şoro û xizanîye, bêkarîye û vêşanîye biqeda.''