Serkêşîya KNKyî de Başûrê Kurdîstanî de komxebata 'Serra 100. ya Peymana Lozanî de Kurdî Gêrenê Çareserîye' ameye kerdene. Beşdaranê na komxebate; Endama Polîtburoyê YNKyî Bilêse Cebar Ferman û Endamê KNKyî û Komîteya Abdullah Ocalanî rê Azadîye Şoreş Xidirî ANFyî rê tay ercnayîşî kerdî.

Endama Polîtburoyê YNKyî Bilêse Cebar Ferman da zanayene ke dewleta tirke ya ke 100 serrî verî ronîyaya, hînî peynîya ci ameya û coka dewleta tirke wazena ke erdê xo hîra bikera. Bilêse vat: ''Tirkîya bi zelalî nê waştişê xo ana ziwan. Tirkîya ronîyayîşê xo ra 16 serrî veerî şaristanê Sûrîye (Antakya) xo ra girê dabi. No zî mojneno ke madeyê Peymana Lozanî eşkenê bêrê vurnayene. Tirkîya cara wazena ke Başûr û Rojawanê Kurdîstanî, Yunanîstan û Bulgarîstanî serê erdê xo bikera. Kurdî ganî pê ney hişyar bibê.''

Şorel Xidirî ard ziwan ke Peymana Lozanî sebebê alozîya pêro Rojhelatê Mîyanênî ya û vat: ''Tewr zaf şarê kurdî na peymane ra zerar dî. Kurdîstan ame kerdene çar parçeyî, kurdî raştê qirkerdişan ameyî. Heyf ke kurdî nêeşkayî vera Peymana Lozanî yew bibê. KNKyî na mesuldarîye girewte xo ser û serra 100. de konferansêkê pîlî virazeno. Ma armanc kenê ke vera Peymana Lozanî tewir û stratejîyêka hempare vejê werte.''