Serekê Baroyê Amedî Nahît Erenî derheqê meseleya kurdan, polîtîkayanê asayîşî û binpaykerdişê huqûqî de ANFyî rê qisey kerd.

 Erenî da zanayene ke beşdarîya mîtîng, kombîyayîş û çalakîyan sey sûcî hesibîyena û vat: ''7-8 serranê xiraban de nê warî de kabîneya newîye seba ma bi hawayêkê xozayî hêvîyêka newîye afernena. Aktorê nê prosesî yo tewr girîng mi çimî de Wezîrê Karanê Zereyî bi. Wezîrê Karanê Zereyî wayîrê tesîrêkî bi ke temamîya komelî de vila bi. Coka vurîyayîşê Wezîrê Karanê Zereyî qewimîyayîşêko girîng o. Helbet ganî merdim zaf pê vurîyayîşê kabîne kêfweş nêbo. Goreyê mi polîtîkaya sîstemî yanî polîtîkaya dewlete dewre de ya.''

Erenî dîyar kerd ke eleqeyê dezgehê muhakemekerdişî û pratîkê burokrasî yê Tirkîya bi sîstemî est o û vat: ''Wexto ke merdim meseleya kurdan warê heqan û azadîyanê bingeyînan ê herême de bigêro destî, tengasî û binpaykerdişê heqan zêdîyayî. Wexto ke şima meseleya kurdan de polîtîkaya asayîşî bîyarê ca nêeşkenê apey gamêke bierzê. Heta ke meseleya kurdan de polîtîkayê asayîşî bişuxilîyê binpaykerdişê heqan zî do bizêdîyê. 

Kurdî nê prosesî de haştî, demokrasî, heqê bingeyî û azadîye wazenê. Pêkewtişanê 2016î, xîretê darbe, erdlerz û krîzê ekonomîkî komel de qefilîyayîş viraşt. Komel hînî hewceyê huzirî yo. Coka karê kabîne û hukmatê neweyî zaf ê. Serranê peyênan de ma nêeşkayêne wezîran de têkilîyêke ronê. Ez hêvî kena ke nê dewrê neweyî de bi atmosferê vurnayîşî têkilîyêka holêre ronê.''