Merkezê Îrtîbatî û Çapemenîye yê HPGyî di şehîdanê Cîlo û Zapî eşkera kerdî.

Eşkerayîye wina ya:

Alîşêr Întîkam

''Mabênê 28ê adare-7ê nîsana 2023yî de warê Alantusî yê Cîloyî de artêşa tirke ya îşxalkere vera hêzanê ma operasyonê îmha dayî destpêkerdene û mabênê hêzanê ma û îşxalkeran de pêkewtişê giranî qewimîyayî. Ma eşkerayîya xo ya 11ê nîsane de dabî zanayene ke nê pêkewtişan de embazê ma Raperîne, Rêvan û Botan şehîd bîyê û embazêkê ma yo bîn zî esîr bîyo.

Endamê Fermandarîya Eyaletî ya Cîloyî embaz Alîşêr Întîkam nê pêkewtişan ra weş xelisîya, bi roja tik û teyna warê operasyonî de mend. Artêşa îşxalkere teyara û helîkopterê xo seba ke embazê ma bivîno seferber kerdî. La embaz Alîşêrî vera dişmenî bi qerardarî şer kerd. 7ê nîsana 2023yî de fermandarê ma yê qehremanî Alîşêrî heta nefesê xo yê peyênî şer kerd û şehîd bîyo. Embaz Alîşêrî bi serran Zagrosan de şer kerd û rêçê Fermandar Şehîd Reşîd Serdarî de şi. Embaz Alîşêr xeylêk kede daye çalakîyanê serkewteyan û tim têkoşînê xo aver berd.

Ma sere de keyeyê ey ê ercîyayeyî rê pêro şarê Kurdîstanî yê welatperwerî rê serweşîye wazenê. Ma şexsê embaz Alîşêrî de reyna soz danê pêro şehîdanê xo ke ser bikewê.

Nasnameyê embaz Alîşêrî wina yo:

Embaz Alîşêr Wan de dadîya xo ra beno. O cigêrayîşanê xo ra pey bire dano ke tewrê gerîlayan bibo û 2011 de verê xo dano koyanê azadan. Embaz Alîşêr Xakurkê de perwerdeyê gerîlatîye vîneno û dima Xakurkê, Şemzînan û Gever de têkoşîn keno. Embaz Alîşêr Akademîya Mahsum Korkmazî de perwerde vîneno û beno fermandar. O xeylêk kede dano tunelanê şerî yê Sîda û Çemçoyî û dima 2021 de derbazê Cîloyî beno. Tîya de embaz Alîşêr derbanê giranan dano dişmenî ro û embazanê xo rê beno mîsal. Mîrasê ey ê têkoşînî do tim verê ma roşnî bikero.

Qehreman Gîap

7ê gulana 2023yî de warê Zapî de embazê ma Qehreman Gîap kewt awe û rixmê pêro xîretanê embazan zî xeniqîya, bi şehîd. Embaz Qehreman bi eşqê Kurdîstanî tewrê gerîlayan bi, rayraşîyayîşê şorişî de şarê ma û şehîdanê ma rê mesuldarîyê xo ardî ca û bi milîtanêko mîsal.  

Ma sere de keyeyê ey ê ercîyayeyî rê, pêro şarê Kurdîstanî yê welatperwerî rê serweşîye wazenê. Ma soz danê ke xeyalê Kurdîstanê Azadî û Rayberîya Azade yê şehîdanê xo bîyarê ca.

Nasnameyê embaz Qehremanî wina yo:

Embaz Qehreman Mêrdîn de dadîya xo ra beno. Embaz Qehreman verî xebatanê ciwanan de cagêno û 2019 de verê xo dano koyan, beno gerîla. Embaz Qehreman tim bi coş û moralî têgêreno û keno ke xo hîna aver bero. Embaz Qehreman tim înîsîyatîfî gêno û paradîgmaya Rayberîye xo rê keno esas. 2021 de hêrişanê vera Zap, Avaşîn û Mexmûrî de embaz Qehreman vera dişmenî bi fedayîtî şer keno. Embaz Qehreman serê wezîfeyî de keweno awa Zapî û şehîd beno. Embaz Qehreman do tim pê tewirê xo yê milîtanî mîyanê têkoşînê ma de biciwîyo.''