Fermandaranê HPGyî ra Cîhan Denîzî ANFyî rê qala Hakî Karerî kerde. 

Denîzî bi wesîleya Menga Şehîdan şexsê Hakî Karerî de pêro şehîdî yad kerdî.

 Fermandar Denîzî vat: ''Embaz Hakîyî ronayîşê PKKyî de kedêka pîle daye. Seke Rayber Apoyî vatbi Hakî Karerî û Kemalî Pîrî erjê PKKyî afernayî. Embaz Hakî Karerî seba rêxistinîya şarê Kurdîstanî serkêşîye kerde. Rixmo ke ey kurdkî nêzanayêne bi bawerîyêka pîle xebatê xo kerdî.  Netîceya têkoşînê ey de bi hezaran Hakîyî tewrê têkoşînê azadîye bîyî. Embaz Hakîyî hetêkî ra zî îdeolojîya Rayber Apoyî kerde temam. Ey her ca de kelecanê azadîye zêdîna. 

Sebebanê ronîyayîşê PKKyî ra yew zî wayîrvejîyayîşê Hakî Karerî bi. Ruhê embaz Hakîyî şexsê PKKyî de gandar o. Gerîlayê ke nika vera hêrişanê îşxalî yê dewleta tirke xo ver danê, paştîya xo danê bawerî û mîrasê şorişî yê Hakî Karerî.''