Fermandara YJA-Star’î Eylem Ronî û Fermandarê HPG’yî Sertav Doganî, televîzyonê Medya Haberî de,  Hewteyê Qehremanîye û xoverdayîşê grevê vêşanîye ercnayî.

Fermandara YJA-Star’î Eylem Ronî:“ Qehremanan felsefeya PKK’yî veta meydan û qehremanîye bi nameyê bînî xoravejîyayîşî tarif kena.  Qehremanîye, prosesanê giranan de vejîna meydan û pêro netew û şaran de zî yena manaya fedakarîye. Sey nimûne ma biewnê  şorişê dinyaye, wextanê zaf krîtîkan de, karaktere winasîyî vejînê meydan û her çiyî vurnenê. Reyna şorişê Rusan de, tim sey nimûne yenê dayene. Şorişê Fransa yan zî têgêrayîşê şaranê Rojakewtena Mîyanêne de biewnê, karaktere winasîyî estê, yanê mîrasê winasîyî estê.  Rastîya tarîxê şorişî de biewnê, tayê kesan bi qehremanîya xo mucadele aver berdo û kerdo pêt. Şoriş resnayo cayêko berz.  Şorişê Fransa wina yo. Tirkîya zî wina ya. Baba Îshaq, Torlak Kemal, Bortluce, Şeyh Bedrettînî estê. Nînan şîrigtîye esas girewta û demokrasi resnayo şarî. Lenîn derheqê qehremantîye de wina vano: ”Qehremanî kesê ke xeylî çiyî mezg û zerrîya xo de hezm kerdê yê” Qehremanî bi cesaret û fedakarîye yenê şinasnayene. Ma tarîxê xo de biewnê, destana Dewrêşê Evdîyî esta. Wexto ke qehremanan ra ke qale abeno Dewrêş yeno ma vîrî. Mabênê aşîran de pêkewtişî estê. Ganî yew serkêşîye bikero ke komel rawirzo payan ser. Ganî şarî de hîsîyatê cesaretî bêro viraştene. Tarîxê Kurdistanî de zî wina yo. Se ke ma va, qehremanî kesê weçînayî yê,serkeş ê, xora vejînê, xo ra dor kara şarî fikirîyenê, ameyeyê şarê xo fikirîyenê, çiyanê şexsîyan ra zîyaderê şarê xo vînenê.

PKK destana egîdîye ya

Têgêrayîşê PKK’yî destana egîdîye ya, romanê qehremanîye yo.Naye ra zî cinsîyetê ci çin o. Karaktero ke Edule ci ra gêrena ganî sey Dewrêşî bo. Bicesaret o. No yew prensip o. Serkêş û rayberê şarî yo. No vindertiş yew zerrîye ra, yew mezgî ra vejîno û reseno bi mîlyonan. Erj û pîrozê yew şarî yo. Her şar seba xo pîrozîyan awan keno û bin ê pîrozîyan payan ser vindeno. Mucadele, ruh û xoverdayîş nêno xo vîr ra kerdene. No mîrasê şarî yo. Ewro ma de ruhê xoverdayîşî awan keno û wina beno vila.

 ‘Mehmet Tunç, Leyla u Nasirî qehremanê şarî yê’

Embaz Egîd, tarîxê mucadeleyê ma yê çekini de yew qehreman o. Kurdistan de fermandarîye wina yena kerdene. Egîd nimûne yo. Dewleta Tirkî seba ey vatê ‘Celadê PKK’yî’. No tersê dewlete dano teber. Otorîteya embaz Egîdî keno eşkera. Çalakîya Eruhî ya 15’ê Tebaxe, çalakîyêka muhîme ya. Egîdî bi na çalakîye da bi zerrîya dewleta Tirkî ra. Dewleta Tirkî xoverdayîşê PKK û qehremananê ci ra tersena. Xêza qehremanîye ya PKK’yî ra tersena. Wazenê ke PKK’yî biqednê, la nêeşkenê.  Mazlûm Dogan, Halîl Çavgun, Salîh Kandal, embaz Egîd, nê pêro mîras ê. Mesela Leyla Guvene, tam serkeş û qehremana şarî ya. Vizêrî Mehmet Tunç, ewro zî Leyla Guvene û Nasir Yagiz. Ma ruhê xo, xidayê xo xoverdayîşî ra gênê. Û no xoverdayîş do ma bero serkewtişî. Na xêza xoverdayîşî Leyla Guvene vete meydan. Rayberîya partiye rê xetereyê suîkastî bi û Zîlane sey qehremane vejîye meydan. Prosesanê winasîyan de Semayî, Egîdî vejîyayî. Ewro zî Leyla Guvene, Nasir Yagiz, xoverdayoxê zindanan bîyî yew xêze û sembolî. Leyla Guvene bîye vengê pêroyê cinîyan ê dinyaye. Bi fedakarî û mucadeleyî bîyê yew xêze û mîlyonan rê bîye serkêşe.“

Fermandarê HPG’yî Sertav Dogan: “Qehremanê ke ma saya kede û fedakarîya înan de restî ewroyî senî vejîyayî meydan, ganî merdim şert û mercanê ê wextî de biewno û ê prosesan baş fehm bikero.Seba şarê Kurdî, prosesê 1925’î ra pey zaf muhîm o. Rastê qirkerdişî ameyo û nasnameyê ci ra ameyo dûrî kerdene. Mezg û rastîya ci ameya texrîbkerdene. Rayberîye zî vana “Kurdistan de şorişgêrîye sey şorişgêrîya welatanê binan nêbena”. Sebir lazim o. Verî Kurd ganî xo de şer bikero û rastîya xo de bêro têrî û wina şoro dişmenî ser. Ma menga Adare de yê. Menga Adare Newroze ya, xoverdayîşê Mazlûm Doganî û rastîya Egîdî bi xo ya. Serranê 70’î de ciwanî bîbî heşar û yew het ra fikro azad û xoser pawitêne, hetêk ra zî kerdêne ke yew karaktero demokratik bêro awankerdene. La dewlete seba ke verê înan bigîro kewtê têgêrayîşan û waşt ke serkêşanê înan mabên ra wedarno. Xoverdayîşê Denîzan, Mahîran û Kaypakkayayan mejîya meydan. No kulturê xoverdayîşî yo. No xoser nêvejîyayo û tarîx ra hêz gêno. PKK zî eynî wext de vejîno meydan. Serkêşîye hewce kena. Serkêşîyêka normale nê, rayberîya teberê norman lazim a. Seba ke şarî newe ra heşar bikero, rêxistin bikero û biresno erjanê ci, rayberîyê hewce kena. Na rayberîye zî fedakarîye û cesaret wazena.

Merdim ke biwazo eşkeno bibo wayîrê îradeyî pîlî

Şert û mercê ê wextî zaf ciya yê. O wext her kes xo ra tersayêne. Esas Kurdîtîye, çiyo ke merdim wayîrê ci vejîyo, bipulisîyo pira nebiye. Seba naye bedel hewce kerdêne. Seba naye ganî merdim xo xora bivejo teber û xo newe ra biaferno. Egîdan û Mazlûman qehremanî vetî meydan. Embaz Mazlûmî bo xoverdayîşê xo yew xêze viraşte û rayîr akerd. Xoverdayîşê ey yew nasname yo. Ruhê PKK’yî ruh û xoverdayîşê Mazlûm Doganî temsil keno. Mzlûm Doganî ra dima qet yew Kurd nêeşkeno vajo mi dest de îmkanî çin ê û ez bin ê îmkanan nêeşkena neyî bika. Çunke Mazlûm Doganî zereyê bêîmkanîye de kulturê xoverdayîşî awan kerd. Mazlûm Doganî bi xoverdayîşê xo wina va: ”Merdim ke biwazo eşkeno bibo wayîrê îradeyê pîlî”. Mazlûm Doganî rastîya sînorê îradeyê merdimî musnaye ma. Adiro ke bi hîrê çopanê nifte fisto ta, koyanê Kurdistanî de bî mucadeleyê azadîye û hetê mîlyonan ra ame qebulkerdene.

Ancax yew Rayber eşkeno nê bikero

Embaz Egîd zî eynî wext de û eynî şert û mercan de vejîyo meydan. Xoverdayîşê Mazlûm Doganî û embaz Egîdî, menga Adare de destpêkerdo. O wext kesî xeyal nêkerdêne ke yew Kurd do vera dewleta Tirkî bivejîno û şer bikero. Ancax yew keso ke wayîrê cesaretî yo û wayîrê ruhê fedakarîye yo eşkeno çiyê winasîyî bikero. Yanê seba naye  yew raybero rastiken bibîyene ganî.  Dewlete, serewedaritişê Agirîyî ra dima va “Kurdistano xeyalî tîya de meftun o”. Rastîya Egîdî çi ya? Mucadeleyê Egîdî yena çi mana, baş zanê.. Şaro Kurd înan sey qehreman name keno. Çunke ey qehremanê şarê Kurdî yê. Şar manaya gulaya Egîdî ya verene yena çi mana baş zano û mucadeleyê ey baş şinasneno.

Esasîya xoverdayîşî, Rayberîye reyde cuya azade ya…

Sembolê xoverdayîşî, esasê xoverdayîşî qehreman ê û qehremanan pêroyê Kurdistanî de kulturê xoverdayîşî kerd vila. Qehremanîye Mazlûmbîyayîş a, persanê rastan persayîş û cewabanê rastan vinîtiş a. Ewro ciwanê ke Toronto de, Kanada de kewtê grevê vêşanîye, Zekîyeyan, Rahşanan, Semayan ra dûrî nîyê. No tarzê serkêşîye yo û nê çalakîyî pêroyê zindanan û Ewropa ra bîyî vila. Esasê ci serkewtiş o. Esasê ci Rayberîye ya û Rayberî reyde cuya azadîye ya. Ewro Botan de hîna zî roniştiş û rawiştşê Egîdî ra yeno qalkerdene. No nêno vîrî ra kerdene. Cesaret û egîdîya ey nêna vîrî ra kerdene.  Qehreman komelê xo perwerde keno, vera zor û zehmetîyan, vera zulmî deyax dano şarê xo. Exlaq, wîjdan, û erjanê binan awan keno. Cuye wina bena xora, merdim yew dolime yeno dinya û yew dolime mireno. Bi ters û xof kes nêbeno qehreman. Ma bi xoverdayîşê Leyla Guvene û Çîyagerî, ma bi ruhê embaz Karkerî ciwîyenê. AKP-MHP nêeşkeno nê profîlî birijno.’’