Fermandarîya Qerargehê Merkezê Pawitişê Şarî (MPŞ) bi mesajêkî pêro fermandar û şerwanê Warê Xoverdayîşî yê Girê Bihar û Sergelê fîraz kerdî.

Mesaj wina yo:

''3yê temmuze de vera Warê Xoverdayîşî yê Girê Bihar û Sergelê hêrişê îşxalî dîyabî destpêkerdene. Nê prosesî de embazanê ma cewab da hêrişanê artêşa îşxalkere û çalakîyê girîngî kerdî. Embazanê ma bi taktîkanê afernayoxan 10 û 16ê temmuze de 2 helîkopterê Skorksyî yê artêşa îşxalkere vistî warî. Nê çalakîyanê ke terzê dewrê neweyî îsbat kerdê, derbê giranî dayî artêşa tirke ya îşxalkere ro.

Şanê 6ê tebaxe de Warê Xoverdayîşî yê Girê Biharî de yewina îşxalkeran hêverî gêrîyaye binê kontrolî, dima tîmanê gerîlayan ê kordînekerdeyan bi dafikviraştişî derbêka xurte daye dişmenî ro. Na çalakîye de yewê ci payeberz 14 îşxalkerî ameyî cezakerdene, 5 îşxalkerî bi giranî birîndar bîyî û bi nê hawayî tîma îşxalkeran ameye tasfîyekerdene. Na çalakîya serkewte eşkera kerd ke eke taktîkê dewrê neweyî û terzê tîma pispore bi raştî bêrê caardene netîce do serkewte biba. Ancî seba ke na çalakîye seba selamkerdişê serrgêra 40ine ya Hemleya 15ê Tebaxe ameya kerdene hîna manadar bîye.

Ma pêro yewin û tîmanê pisporanê ke bîlançoya şerî ya na mengêke de, warvistişê di helîkopteran û çalakîya peyêne de kede daya serkewtişanê nînan ra fîraz kenê. Ma wina bawer kenê ke serrgêra Hemleya 15ê Tebaxe de bi ruhê Egîdan û terzê serfîrazîye serkewtişanê pîlan bivisnê destî. Ma pêro embazanê xo bi nê hîsanê xo yê şorişgêran selam kenê.''