Sereka Konseya Merkezî  ya  Yewîya Tabîbanê Tirkan (TTB) Prof. Dr. Şebneme Korur Fîncanci semedê paştdayîşî merdimê kesanê ke operasyonê qirkerdişê sîyasîyî de ameyî destbendkerdene û tepiştene, zîyaret kerdî. 

Fîncanci pîya bi Sekreterê Pêroyî TTByî Prof.Dr Vedat Bulut û Sereka Odaya Tabîban a Amedî Elîfe Turan ameyî verê Edlîyeya Dîyarbekirî ke tede îfadeyî yenê dayene.

Fîncanciya ke keyeyan reyde sohbet kerd, verê edlîye de eşkerayîye daye. Fîncanci ard ziwan ke îqtîdarî no operasyon sey manevreya weçînitişî kerd û vist vîrî ke îqtîdar tim wextê weçînitişan de zafêr beno hêrişkar. Fincanci vat: “Bitaybetî badê weçînitişanê 2015î xelêk kesan dinyaya xo bedilnaye. Heme Tirkîya vana ke no weçîtiniş do bibo peynîya înan. Hinda cayê înan ê remayîşî çîn o. Pê îfadeyê îtîrafkeran dosyayî kerdî amade. Zereyê nê dosyayan veng ê. Coka qerarê nimitişî genê. AKPyî hukmê nê welatî ser o tesîrê bomba kerd, mehkemeyê ceza sulhî tetîkkarîye kenê. Tay mend, badê 16 rojan do nê pêro bibedilîyê, ma do bibedilnê. Ma gerek wayîrê îradeyê xo bivejîyê û tesîrê ci ramojnê.” 

Badê eşkerayîye Fîncanci verê edlîye de Serekê Baroyê Amedî Nahît Erenî reyde biney sohbet kerd.