Temsîlkarîya HDPyî ya Başûrê Kurdîstanî derheqê xîretê ablûqaya Mexmûrî yê artêşa Iraqî de Silêmannî de eşkerayîye daye. Eşkerayîye hetê Hemserekê Temsîlkarîya HDPyî ya Başûrî Hîkmet Xetîbî ra ameye wendene.

Eşkerayîye de dîya zanayene ke Kampa Multecîyan a Şehîd Rûstem Cûdîyî ya Mexmûrî binê çimdarîya Neteweyanê Yewbîyayeyan de ya la ne NY ne zî dewleta Iraqî mesuldarîyanê xo yê serê Mexmûrî nêanê ca. Eşkerayîye de ame waştene ke wa meseleyî pê dîyalogan bêrê çareserkerdene û artêşa Iraqî xo apey biancê. Eşkerayîye de venga hukmatê Iraqî û NYî dîya ke wa erkanê xo bîyarê ca.