Na raywanîye de her game ma raştê rêçêkî yenê. Xesarê bombayanê giranan reyde heman wextî de  parçeyê çek û hacetê leşkerîye zî dîyenê.

Rayraşîyayîşê çeperanê gerîlayan ra wextêk dima ma resenê çeperê ke artêşa tirke xo pey de verdayê. Hêverî kozikê îşxalkeran asenê. Labelê dîyar o ke nişka ra xo anto coka yeno dîyene ke teyna pê kardî xeym û tewreyî dirnayê.

Dima ke ma kozikanê verênan ra derbaz benê û danê mîyanê çeperanê artêşa tirke hînî dîmenî temamî asenê. Kampê artêşa tirke, kozikê leşkeran, sey warê çopan bale ancenê. Tîya ra dîyar benê ke artêşa tirke warê kampe de zaf tersayo. Çop eşto kozikanê xo, dormeyê xo zî pê têlan girewto, peyê têlan de dafike naya ro.

Dîmenêko bîn o ke artêşa tirke çeperan de xo pey de verdayo zî rêçê belgeyanê sûcî yo ke roja peyêne waştêne bivêşna û werte ra wedarna. Verê her kozikî de, mîyanê kampe de adirêko pîl visto ta.

Çeperanê artêşa tirke de xeylêk çîyê komîkî zî est ê. Sey; serê tehtan de nîşaneyê faşîzmê tirkî, qiseyê nîjadperestî nusîyayê, ablûqaya çeperan û dafikan reyde makîneyê xapînokî û şûşeyê plastîkî zî ameyê cakerdene ke gerîlayî pê bixapîyê.