Gerîlayê HPGyî Çekdar Bazî vera hêrişanê îşxalî yê dewleta tirke 2022 de xoverdayîşê Sîda yê herêma Zapî de cagirewt û dima tîma xo ya gerîlayan ra abirîya. Gerîla Bazî derheqê zehmetîyanê raywanîya xo ya 16 rojan de ANFyî rê qisey kerd.

Gerîla Çekdarî da zanayene ke o embazanê xo ra apey mendo û vat: ''Şewe ez kendalêkê Sîda de menda. Erzaqê mi qedîyabi coka mi waşt ke şora dewa Sîda. Nêzdîyê dewe de girêko qij est bi. Uca de ez 4 rojan vêşan û têşan menda. Dişmenî dormeyê girî de cadabî xo. Çend rojan ra dima ez şîya binî la xo ra şîya. Seba ke ez bêra xo ser mi herre werde. Serê sibayî mi dî ke dişmenî tunelanê Şehîd Agir, Şehîd Felat û Şehîd Doganî de cadayo xo. Mi cayêk de zereyê yew kutuye de zeytûnî dîyî. 5 rojan mi nê zeytûnî werdî, daran ra hinêrî arê dayî. Dima ez seba ke biresa embazanê xo kewta rayîr. Leşkeranê Girê Şehîd Felatî ez dîya û guleyî eştî. Leşkeran venga mi da ke ez teslîm biba.

Serê mi ra droneyî şîyêne-ameyêne. 4 reyî cayê mi dîya bombayan ver. A şewe ez uca de bêtêgêrayîş vinderta. Dima hêdî hêdî ez şîya. Di rojan ez vêşan-têşan şîya. Dima cayêk de mi embazî dîyî. Înan pers kerd ke ez gerîla ya yan ney. Mi zî cewab da. Embazî îqna bîyî. 16 rojan ra dima bi nê hawayî ez resaya embazanê xo. Seba ke ez biresa embazan bi hêvî şîya. Mi qetî hêvî ra fek vera nêda. Eke merdim bi îradeyî têbigêro, teredut nêkero û xoverdayîşî rê dewam bikero eşkeno ser bikewo.''