Gerîlayê HPGyî Hogir Serhatî ard ziwan ke waranê Zap, Avaşîn û Metîna de vera hêrişê îşxalî yê dewleta tirke têkoşîno tarîxî yeno dayene û vat: ‘’Ma pê hêvîya pîle dest pê nê şerî kerd û ma do pê serkewtişê pîlî biqedînê.’’
Gerîlayê Azadîye yê Kurdîstanî Zap, Avaşîn û Metîna vera hêrişê îşxalî yê artêşa tirke têkoşînê tarîxîyî danê. Gerîlayê HPGyî Hogir Serhato ke mîyanê têkoşînê Xakurkê de ca geno no têkoşîn ANFyî rê ercna.
Hogir Serhatî têkoşîn selam kerd û vat: ‘’ Herêmanê Pawitişî yê Medya de têkoşîno tarîxî yeno dayene. Coka ma sey gerîlayanê Xakurkê wazenê paştî bidê nê têkoşînî. Her çiqas prosesêko giran bî zî têkoşîno ke embazê ma ûca bi îradeyê qerardarî danê moral dano ma. Ma wazenê bibê layîqê şehîdanê nê têkoşînî. Şerê estbîyayîş û çînbîyayîşî yeno kerdene. Coka ma ra çi yeno waştene, ganî ma bikerê. Bedel giran bo zî ganî bidê.
Şero ke Herêmanê Pawitişî yê Medya de yeno kerdene şerêko tarîxî yo. Dewleta tirke vera gerîlayan her metod şuxulnena. Çekanê kîmyewîyan şuxulnena. Nê zî mojnenê ke şer de senî zor dîyayo ci. Bilançoya şerî mojena ke senî yew şer yeno kerdene. Embazî tim çalakîyan kenê. Vînîbîyayîşê teknîkî û leşkerî yê dewleta tirke gird ê. Rixmê hêrişê xurtî yê dewleta tirke gerîlayî bi taktîkanê neweyan şerî de serkewtişê pîlî fînenî dest.
Xora têkoşîno tewr pîl Îmrali de yeno dayene. Rayberîye 23 serrî yo Îmrali de bênefes têkoşîn keno. Ma zî wazenê wayîrê keda Rayberîye vejîyê. Coka ma şerêkê zaf girdî kenê. Ganî têkoşîn pê gerîlayan sînordar memano. Sere de şarê kurdî ganî şarê Rojhelatê Mîyanênî vera nê şerî bêveng memanê. Şarê ma wayîrê îradeyê pîlî yo. Warîyê tecrubeyê pîlî yo. Şerê ma semedê heme neteweyan o. Ganî ma tim sereberz û vera neheqîye vejîyê ke ser bikewê. ’Ma pê hêvîya pîle dest pê nê şerî kerd û ma do pê serkewtişê pîlî biqedînê.’’
