Gerîlayê HPGyî Mazlûm Matî (Kendal Azad Botan) 19ê êlule de hêrişê hewayî yê artêşa tirke yê vera Koyê Herekolî yê qezaya Berwarî ya Sêrtî  de şehîd bibi. Cenzaya Matî badê 24 rojan teslîmê keyeyê ci bîye.

Keyeyê Matî semedê girewtişê cenazaya xo muracatê Serdozgerîya Komare ya Sêrtî kerd û rixmo ke keyeyî cenaza teşhîs kerde cenaza nêdîyaye ci. Keyeyî dima ra testê DNA kerd û bi rayîrê avûkatan reyna muracatê serdozgerîye kerd. Badê 24 rojan netîceya DNA zelal bîye. Keyeyê Mazlûm Matî şi Nêweşxaneyê Dewlete yê Sêrtî ra cenazaya xo girewte. Cenazaya Matî Goristanê Asrî yê Cizîre de binê ablûqaya polîsan de ameye definkerdene.