Artêşa tirke ya îşxalkere û hukmatê ci yo faşîst ê AKP-MHPyî  bi heme îmkananê xo vera Herêmanê Pawitişî yê Medya û gerîlayanê azadîye yê Kurdîstanî hêriş kenê. Çekê qedexeyî yê kîmyewîyî, bombayê termobarîk û taktîk nukleerî yenê şuxulnayene. Vera nê hêrişanê qirkerdişê ke çirey nêameyî vînayene, gerîlayê azadîye yê Kurdîstanî tunelanê şerî de û bi tîmanê erazîyî xoverdayîşê xurtî danî. Hetekî ra şer dewam keno, hetê bînî ra gerîlayî bi keda xo cuya xo domenenê.  Nê xebatan ra yew zî xebata terzîxaneyî ya.

Dişmen bitaybetî serranê peyênan de teyarayanê keşîfî hêrişê qirkerdişî yê vera gerîlayan de şuxulneno ke tim propagandaya ci zî keno. Goreyê propagandaya ke yena kerdene nê teyarayê keşîfî destûrê firdayîşê yew milçike zî nêdanê. La vera na propaganda yew zî xoverdayîş û cuya gerîlayan est a. Gerîlayî senî ke taktîkê xo yê şerî aver benê, bi kincanê xo zî teyarayanê keşîfî û teknîkê dişmenî qismek betal kenê. Deştişê nê kincan û wextê şerî de şuxulnayîşê ci zî hetê gerîlayan ra yeno hesabkerdene û hazirkerdene. Deştiş, hazirkerdiş her hela nê kincan keda cîya wazena. Gerîlayî tam mabênê şerî de, binê bombardumanan de terzîxaneyan de keda pîle danê. Gerîlayî nê kincan bi xo hazir kenê, kenê piray û vera îşxalkeran çalakîyan kenê.