Fermdarîya Cendirmeyan a Geverî  3ê ader de xeylêk dewe û dewekanê bajarekê Bajêrge yê qezaya Geverî ya Colemêrgî operasyon dabi destpêkerdene. Hêzanê dewleta tirke herême girewt binê ablûqa û dest pê karanê neweyan ê terorî kerd.

Operasyono ke dewanê Şîşemzîn, Xurekan’a Seyida, Xurekan’a Temo Astenga Reşî yê Bajêrkge de ameyêne kerdene heta dewanê Dirbêsan û Dotkanî vila bi.

Dewa Qesran gerîyaye binê ablûqa û leşkerê sînorê Rojhelatî sewqê herême bîyî. Goreyê zanayîşanê ke dewa Qesrana ke 7 serrî yo sey ''herêma asayîşê taybetî'' yena îlankerdene, ameyî verê beran de wesayîtê leşkerî yê zirxin pawenê.

Ablûqaya leşkerî dewa Qesranî ra heta dewanê Şahê, Zêwe, Kawle Gund, Pagenk, Merdêsal û Êlê û xeylêk dewekan rê vila bîye.

Dîya zanayene ke leşkeranê tirkan waranê Mêvan Ava, Dola Gota û Çiyayê Kotolî de kamerayî cakerdî.

Dewa Êlê 17ê adare de sey herêma asayîşê taybetî ameye îlankerdene û têna tede 4 keyeyî est ê, leşkeran ber û pencrayê xeylêk banan şikitî serûbin kerdî.

Derûdorê dewanê Êlê, Pagenk û Kawle Gundî de wesayîtê zirxinî ameyî cakerdene û leşkeran merayan de xeymî nayî ro. Dîya zanayene ke dewa Êlê de dêra kahan ê armenîyan açarîyaye kulubeyê nobete ya leşkeran.

Dewanê Kawle Gund, Pagenk û Êlê de gozêre û sayêrê dewijan hetê leşkeranê tirkan ra ameyî birnayene û vêşnayene.

Gama ke leşkeran  berê banan şiknayî û darî birnayî, dewijêkî cehd kerd ke dîmananê înan bianco la leşeran dest telefonê ey ser.