Merkezê Îrtîbatî û Çapemenîye yê YBŞyî derheqê hêrişê vizêrînî yê vera Til Izêrî yê Şingalî eşkerayîyêke daye û vat: ''Ganî şarê ma yê êzidîyan vera îşxalê dewleta tirke û hemkarê ci PDKyî wurzo we.''
Merkezê Îrtîbatî û Çapemenîye yê YBŞyî derheqê hêrişê vizêrînî yê vera Til Izêrî yê Şingalî eşkerayîyêke daye.
Eşkerayîye wina ya:
''Ewro (vizêr) saete 15.30 de droneyê çekdarî yê dewleta tirke ya îşxalkere hêrişê qezaya Til Izêrî ya Şingalî kerd. Dewleta tirke ya îşxalkere nê hêrişî ra netîce nêgirewt û zerarêk zî nêresa embazanê ma ser.
Seke zanîyeno wexto ke DAÎŞo ke pabesteyê dewleta tirke yo 2014 de hêrişê Şingalî kerdbi şarê ma yê Til Izêrî vera înan xo ver dabi. Tîya de bi desan kesî şehîd bîyî û birîndar bîyî. La şarê ma xoverdayîşî ra qetî tawîz nêda. Dewleta tirke waşt ke nê ruhê xoverdayîşî çin bikera û destkewteyanê şarê ma zî tira bigêra. Prosesêkê winasênî de ke şarê ma wazeno abigêro no hêriş qewimîya. Şarê ma do qetî erdê xo ra fek vera nêdo. Dewleta tirke û PDK wazenê bi şerê taybetî şarê ma bikerê hedef. Şarê ma yê êzidîyan senî ke nêverda DAÎŞ erdê ma îşxal bikero, nika zî vera îşxalê dewleta tirke û hemkarê ci PDKyî têkoşîn keno.
Ma reyna venga şarê xo danê ke vera hêrişan bi her hewayî tewirê xo bimojno û rayîr nêdo îşxalî. Coka ganî şarê ma yê êzidîyan vera hêrişan û polîtîkayanê gemarinan wa wurzo payan ser.''
