Bi seyan wesayîtê zirxînî xeta Tetwan-Wanî bi rayîrê ferîbotî ameyî berdene bi Îskeleyê Wanî. Wesayîtî dima tren de ameyî barkerdene û ver bi Îranî erşawîyayî. Nêzanîyeno ke wesayîtê leşkerî şinê kamca. Goreyê agahîyan zere d ebi desan vagonê girewteyî est ê û zereyê înan de zî çekî est ê.

Îqtîdarê AKP-MHPyî şaristananê Vakurê Kurdîstanî bi rejîmê Rewşa Îstîsnayîye îdare keno. Wan û Colemêrg de bi seyan wesayîtê zirxînî cakerde yê. Trenê ke Îstanbulî ra kewenê rayîrî, qezaya Tetwanî ya Bedlîsî de, serê Gola Wanî de bi ferîbotan resenê Wanî. Trenî dima ke Kurdîstan de şer giran bi bîyî hacetê sewqê hacetanê leşkerîyan.

Rojanê peyênan de bi seyan wesayîtê zirxînî û hacetê leşkerî zereyê vagonanê girewteyan de erşawîyayî Îskeleyê Wanî. Hacetê leşkerî yê trenan dima zî ver bi Îranî erşawîyayî.