Artêşa tirke ya îşxalkere 14ê nîsana 2022yî de vera waranê Zap, Metîna û Avaşînî yê Herêmanê Pawitişî yê Medya yo ke herêma Gerîlayanê Azadîye yê Kurdîstanî yo de hêrişê îşxalî dayî destpêkerdene ke nê hêrişê tewr girdî yê serranê peyênan ê. 31ê tabaxe de nê hêrişan 4 mengî û nemî xo dima verdayî. Nê demî de gerîlayanê HPG û YJA Starî têkoşîno tarîxî kerd ke hema dewam keno.

Hema hema yew roja gerîlayan zî bê çalakîyan nêverte, rixmê tenîkê dewleta tirke gerîlayan çalakîyê xurtî û operasyonê şorişgêrî kerdî. Pîya bi leşkeranê tirkan makînayê şerî yê dewleta tirke; helikopter, tanq û wesayîtê zirxinî bîyî hedefê gerîlayan.

Gerîlayanê Azadîye yê Kurdîstanî no şer têna bi tunelanê şerî û mewzîyanê xoverdayîşî sînordar nêkerd. Hera Başûrê Kurdîstanî de vera bareheg û qereqolanê dewleta tirke çalakîyî kerdî. Nê çalakîyan de bi desan leşkerê tirkan merdî û xeylêk wesayîtê leşkerî ameyî îmhakerdene.

Dîmenê ke hele bi hele  ameyî qeydkerdene û hetê Gerîla TV û Merkezê Çapemenîye û Îrtîbatî yê HPGyî ra dîyayî eşnawitene wina yê:

Helê pirodayîşê bargeh û qereqolanê ke Başûr de yê

10ê Gulane: Saetanê roje de vera qereqolê Sîrê yê dewleta tirke yo ke Başûrê Kurdîstanî de yo çalakîye ameye kerdene. Çalakîye de tewr tay 4 îşxalkerî ameyî cezakerdene.

10ê Gulane: Barêgehê Bamernê yê dewleta tirke yo ke Başûrê Kurdîstanî de yo hetê Gerîlayanê Azadîye yê Kurdîstanî ra ame pirodayene. Çalakîye de tanqêk ame îmhakerdene û 3 îşxalkerî ameyî cezakerdene.

24ê Hezîrane: Qereqolê Kanî Masî yê dewleta tirke hetê gerîlayanê HPG û YJA Starî ra pê çekanê giranan ame pirodayene. Çalakîye de 8 îşxalkerî ameyî cezakerdene û xeymêka leşkerî ameye îmhakerdene.

10ê Temmuze: Qereqolê Kanî Masî yê dewleta tirke bi taktîkê sûîkastî ame pirodayene. Çalakîye de îşxalkerêk ame cezakerdene.

16ê Tebaxe: Baregehê Bamernê yê dewleta tirke bi hedefê gerîlayan. Çalakîye de kepçeyêk ame îmhakerdene û 2 îşxalkerî ameyî cezakerdene.

Helê wardayîşê helîkopteran

22ê Nîsane: Rojanê verênan ê hêrişê îşxalî yê dewleta tirke de Gerîlayanê Azadîye yê Kurdîstanî şewa ke 21ê nîsane pabestêne 22ê nîsane  Kurojahro de helîkopterêk derb kerd.

30ê Gulane: Warê Xoverdayîşî yê Şîkefta Birîndara de Gerîlayanê Azadîye yê Kurdîstanî da helîkoterêkî ro. Helîkopterê ke kila girewt gama ke ver bi Xeregola şîyênî reyna ame pirodayene  û ame wardayene.

 

19ê Tebaxe: Warê Xoverdayîşî yê Girê Amedîyê de helîkopterê skorskyî ke waştêne îşxalkeran rono, mesafêyo nêzdî ra ame pirodayene. Helikopter bi giranî ame derbkerdene û nizdê qereqolê Girê yê Çelê de gina war.

Wesayîtê ke ameyî îmhakerdene

8ê Temmuze: Warê Xoverdayîşî yê Çemçoyî de wesayîto zirxin ê îşxalkeran ame pirodayene. Wesayît pîya bi îşxalkeranê ke tede bî ame îmhakerdene.

2ê Tebaxe: Mabênê Girê Maymun û Girê Sînekî yê Şirnexî de wesayîtêkê artêşa tirke hetê gerîlayanê YJA Starî ra bi taktîkê sabotajî ame pirodayene. Çalakîye de 2 îşxalkerî ameyî cezakerdene û 2 îşxalkerî birîndar bîyî.

6ê Tebaxe: Girê Koxê Mele Yahya yê warê Keşanê Heftanînî de kepçeyêkê semedê îşaxalî rayîr viraştêne ame pirodayene. Kepçe ame îmhakerdene û îşxalkerêk ame cezakerdene.

Malzemyo leşkerîyo ka ame destfînayene û droneyî

9ê Tebaxe: Panzerêkê dewleta tirke yo ke Kunişka ra ver bi Warê Xoverdayîşî yê Çemçoyî şîyênî hetê Gerîlayanê Azadîye yê Kurdîstanî ra ame pirodayene. Çalakîye panzer teqa û 7 îşxalkerî ameyî cezakerdene.

4ê Gulane: Bajarekê Baqirmanî yê qezaya Akrê de baregehê PDKyî ra droneyêk ame wiriştene û şawiya nuqtaya gerîlayan a herêma Garê. No drono ke semedê keşîfê leşkerî şawîya hetê gerîlayan ra ame wardayene.

24ê Gulane: Dormeyê mewzîyanê şerî yê Şehîd Şemdînî yê Warê Xoverdayîşî yê Kurojahroyî yê Zapî de îşxalkerî ameyî pirodayene. Çalakîye de 3 mewzîyî ameyî îmhakerdene, 8 îşxalkerî ameyî cezakerdene û xeylêk çeke ame destsernayene.

30ê Gulane: Warê Xoverdayîşî yê Girê FMyî de îşxalkerî hetê gerîlayanê YJA Starî ra ameyî pirodayene. Çalakîye de 10 îşxalkerî ameyî cezakerdene û gerîlayî şîyî cenazayanê leşkeran ser. Reyna xeylêk çeke û malzemeyo teknîkî û telofonê îşxalkerê bi nameye Ugur Dogruyî ameyî destsernayene.

7ê Temmuze: Girê Şehîd Pîrdoganî yê Warê Xoverdayîşî yê Girê Amedîyê de 2 îşxalkerî ameyî cezakerdene. Çalakîye de serê leşkeranê tirkan Nacî Kaygusuz û Nurettîn Tokyurekî ra xeylêk çeke ame wedartene.

Na çalakîye de cenazaya leşkerê tirkan Nacî Kaygusizî zî kewt deste gerîlayan. HPGyî 16ê temmuze de vat eke keyeyê Kaygusizî biwazo ê eşkenê bi rayîrê sîvîlan cenazaya ci biresnê ci la heme cewabê nê vengdayîşî nêdîyayo.

3ê Tebaxe: Warê Xoverdayîşî yê Girê Amedîyê de îşxalkerî bi taktîkê sobatojî hetê Gerîlayanê Azadîye yê Kurdîstanî ra ameyî pirodayene. Çalakîye de 2 îşxalkerî ameyî cezakerdene û xeylêk çeke û kaskê leşkerê tirkan Haydar Çelîkî ameyî destsernayene.