Gerîlayê HPG û YJA Starî Herêmanê Pawitişî yê Medya de Hemleya 15ê Tebaxe bi coş û moralê girdî pêşwazî kenê. Gerîlayanê HPGyî Çirav Cûdî, Rubar Serhed û gerîlaya YJA Starî Dîcle Firat na hemleya tarîxî erjnaye.

Dîcle Firat derheqê muhîmîya hemle de nê vatî: ''Ma nika mîyanê şerêkê zaf giranî de yê. Şerê ma xeta hemra Egîdî de aver şino. Artêşa tirke vat qey ê bi teknolojîya xo eşkena îradeyê gerîlayan bişikino la wina nêbi. Ma şerê tunelan, şerê hewayî aver berd. Hele bi hele ma ver bi serkewtişê girdî şinê. Rayberîye vatêne 'Şer gêreno fermandarê xo' Nê şerî şexsê hemra Egîtî de fermandarê xo dî û nika no rûh  serkêşîya xeylêk embazanê fedayîyayîyan de dewam keno.''

Çirav Cûdî zî vist vîrî ke droneyê çekdarî yê artêşa îşxalkere hetê gerîlayan ra dîyenî wardayene û nê vatî:  ''Şarê kurdî bi Hemleya 15ê Tebaxe koletîye red kerd û na xete de têkoşîn roje bi roje girdêr beno. 15ê Tebaxe bi xo şorişêk o. Çunke qerarê qirkerdişê şarêkî amebi girewtene la şarê kurdî 15ê Tebaxe de wirişt payan ser û rêzila koletîye şikite. Coka ma na roje sey roşanî pîroz kenê.''

Rubar Serhedî zî bale Hemleya 15ê Tebaxe ser û nê vatî: ''Fermandarê pîlî yê PKKyî Egîdî bi guleyê verênî dişmen şok kerd. Dişmenî vatêne qey Kurdîstanî îşxal keno û kurdan çîn keno. Koyanê Agri de Amed û Dêrsim de vera şarê kurdî qirkerdiş kerd. Goreyê dişmenî mumkun nêbi ke kurdî newera sere wedarê. Coka guleyo verên zaf muhîm bi. Vera îşxalî no nêrazîbîyayîşo tewr pîl bi. Ma ewro xeta embaz Egîdî de têkoşîn kenê û darbanê giranan danê dişmenî ro. Leşkerê îşxalkerî xo kişenî, seba ke şerî ra biremî her çî kenê. Leşkerê îşxalkerî bi pereyî la gerîlayî semedê azadîya şarê xo, anorê merdimîye şer kenê. Ma do heta peynî têkoşîn bikerê û ser bikewê.