Merkezê Îrtîbatî û Çapemenîye yê HPGyî (HPG-BÎM) derheqê hêrişanê îşxalî yê dewleta tirke de û derheqê zûra '6 gerîlayî merdê' de eşkerayîyêke daye. Eşkerayîye wina ya:

''Artêşa tirke ya îşxalkere 18ê nîsane de vera Garê operasyonêkê hewayî yo hîra kerd, xeylêk war û dormeyê dewanê Garê 28 reyî dayî bombayan ver. Wezîrîya şerê taybetî zî îdîa kerd ke nê hêrişan de 6 gerîlayê ma şehîd bîyê. La nê hêrişanê hewayî de qet yew zerar nêresa embazanê ma ser. Wa şarê ma yo welatperwer û rayaumûmîye zûranê şerê taybetî yê rejîmê AKP-MHPyî rê îtîbar nêkerê.

Detayê hêrişan wina yê

Hêrişê bi çekanê qedexekerdeyan;

18ê nîsane de mewzîyê xoverdayîşî yê Sîda 1 reye dîyayî bombayan ver.

Hêrişê bînî;

18ê nîsane de warê Girê Bahar, Kanîsarkê, Yekmal, Guzê, Şîyê Zêvkê, Sêdarê yê Garê, kendalê Sîserî, Girê Egîd û Deşta Kafya 28 reyî pê teyarayanê şerî dîyayî bombayan ver.

18-19ê nîsane de Warê Xoverdayîşî yê Girê Cûdî, mewzîyê xoverdayîşî yê Çemço û Sîda 4 reyî pê helîkopteranê hêrişî 57 reyî dîyayî bombayan ver.''