Merkezê Îrtîbatî û Çapemenîye yê HPGyî derheqê hêrişanê îşxalî de bi eşkerayîyêke tay agahîyî dayî. Eşkerayîye wina ya:

''Hêrişê îşxalî yê artêşa îşxalkere;

4ê nîsane de dormeyê dewa Çemrobotkî, kendalê Xêrê 2 reyî û  5ê nîsane de mewzîyê xoverdayîşî yê Çemço û Sîda 13 reyî dîyayî bombayan ver.

7ê adare de warê Girê FMyî yê Metîna de vera gerîlayanê ke pozîsyonê pawitişî de yê û bira çalakînêkerdişî ya partîye anê ca hêrişî ameyî kerdene û embazê ma Koçer Dogan şehîd bi. Embaz Koçer Hemleya Şorişgêre ya Şehîd Savaş Maraşî ya Cengê Xaburî de cagirewt, bi serkêşê embazanê xo. Ma sere de keyeyê nê embazê ma yê fedayî rê pêro şarê Kurdîstanî yê welatperwerî rê serweşîye wazenê.

Nameyê Qodî: Koçer Dogan Name û Peyname: Mehmet Salîh Erdal Cayê Bîyayîşî: Şirnex Maye-Pî: Xeriya – Abid Tarîx û Cayê Şehadetî: 7ê Adara 2023yî / Metîna

Embaz Koçer Hezex de dadîya xo ra beno û Nisêbîn de beno pîl. Embaz Koçer verî xebatanê ciwanan de cagêno û 2015 de tewrê Şorişê Rojawanî beno. O Rojawan de vera cerganê DAÎŞî şer keno û tewrê xeylêk hemleyan beno. Embaz Koçer Rojawan de xo pê perwerdeyan aver beno. Embaz Koçer binkerdişê DAÎŞî ra dima 2018 de verê xo dano koyan û tewrê xebatanê Hêzanê Taybetan beno. Embaz Koçer dima sey milîtanêkê tecrubeyînî tewrê Hemleya Şorişgêre ya Cengê Xabûrî beno û Warê Xoverdayîşî yê Girê FMyî de verê dişmenî şer keno.

Ma xo rê sey şansî vînenê ke hetê qehremanêkê winayênî de şer kerdo. Ma do qetî têkoşînê embaz Koçerî pê serkewtişî tacîdar bikerê.''