Dewleta tirke ya îşxalkere 13ê teşrîna peyêne de bajarekê Sinûnî yê Şingalî de pê droneyê çekdarî wesayîtêk kerdbi hedef. Yewinanê Xoverdayîşî yê Şingalî (YBŞ) bi eşkerayîyêke da zanayene ke hêrişê hewayî yê dewleta tirke ya îşxalkere de di şerwanê înan şehîd bîyê.

Eşkerayîye wina ya:

''Serrgêra azadkerdişê Şingalî de vizêr saete 23.00 de dewleta tirke ya îşxalkere hêrişê wesayîtêkê hêzanê ma kerd. Hêriş de şerwanê ma Berxwedan Şengalî û Argeş Feqîr şehîd bîyî, şerwanêkê ma zî birîndar bi.

No hêriş bêtehemulîya dewleta tirke ya vera azadkerdişê Şingalî eşkera keno. Dewleta tirke wazena bi nê hêrişan kerdişanê DAÎŞî rê dewam bikera. Xora dewleta tirke destpêkî ra nata hetê DAÎŞî de têgêrayêne. Dewleta tirke bi nê hêrişan wazena qesasê DAÎŞî bigêra û ferasetê DAÎŞî bida ciwîyayene.

Embazê ma Berxwedan Şengalî û Argeş Feqîr mîyanê wesayîtêkê sivîlî de ameyî hedefkerdene. Ma keyeyanê înan ê ercîyayeyan rê serweşîye wazenê. Ma do tim rayîrê şehîdan teqîb bikerê û nêverdê ke erdê ma de ala îşxalkeran berz biba.

Nasnameyê embazanê ma yê şehîdan wina yê:

Nameyê Qodî: Berxwedan Şengalî

Name û Peyname:Cahit Derwêş Elyas

Maye: Besê

Pî: Derwêş Elyas

Tarîx û Cayê Tewrbîyayîşî: 2000-Tilêzêr

Tarîxê Tewrbîyayîşî: 2017-Şingal

Tarîxê Şehadetî:  13.11.2023- Sinunê

*

Nameyê Qodî: Argeş Feqîr

Name û Peyname: Seed Xelil Qasim Çuko

Maye: Kamo

Pî: Xelil Qasim

Tarîx û Cayê Bîyayîşî: 2000 – Tilêzêr

Tarîxê Tewrbîyayîşî: 2016 – Şingal

Tarîx û Cayê Şehadetî: 13.11.2023- Sinunê