Parlamenterê HDP’yî Alî Kenanoglûyo ke çalakîya roniştişî ya Dêrsimî ya ke vera xespkerdişê şaredarîyanê Amed, Wan û Mêrdînî yena viraştene de qisey kerd vat heta ke Yezîdî bibê do tewirê Huseyînkî zî bêrê domnayene.
Çalakîya roniştişî ya ke vera qeyûmanê Amed, Wan û Mêrdînî hetê rêxistina Partîya Şaran a Demokratîke (HDP) ya Dêrsimî ra yena domnayene de vizêr reyna xespkerdişê îradeyî ame protestokerdene.
Çalakîya ke Meydanê Seyîd Rizayî de ameyî viraştene parlamenterê HDP’yî Alî Kenanoglû zî tewrê ci bi. Kenanolûyî vist vîrî ke ê menga Mûharremî de yê û va:‘‘ Ewro çar hetanê welatî de zulmê Kerbale yeno domnayene. Yezîd şexsê dewrêk nêyo. Yezîd fehmêk o. Heta ke Yezîdî bibê do tewirê Huseyînkî zî bêrê domnayene.‘‘
