Heyetê Îmraliyî yê DEM Partî seba ke selahîyetdaranê PDK û YNKyî reyde pêvînayîş bikero ame Başûrê Kurdîstanî.

Heyet de endamê Heyetê Îmrlaiyî Pervîne Buldan û Sirri Sureyya Onder, Hemserekê Pêroyî yê DBPyî Keskîn Bayindir, Buroyê Huqûqî yê Asrinî ra Ozgur Erol û Îbrahîm Bîlmez, Hemvervatoxê Komîsyonê Tekîlîyanê Teberî yê DEM Partî Berdan Ozturk, parlamenterî Gulcane Kaçmaz Sayyigit û Mehmet Kamaç ca genê.

Heyet Mîsafîrxaneyê protokolî yê Bêrê Sînorî Îbrahîm Halîlî de ame pêşwazîkerdene. Heyetî dima ra verê xo da Hewlêrî.

Yeno pawitene ke Heyet siba Serekê PDKyî Mesud Barzanî û Serekê Herêma Federe ya Kurdîstanî Neçirvan Barzanî reyde pêbînayîş bikero. Pêvînayîş de do detayê pêvînayîşanê Îmraliyî  û fîkr û vernîyazê eleqedaran yê derheqê prosesî bêrê parekerdene.

Heyet dima ra do şiro Silêmanî û Rayberê YNKyî Bafil Talabanî û Kubat Talabanî û selahîyetdaranê YNKyî reyde pêvînayîan bikero.