Heyetê serekeşîranê Şingalî derheqê plananê serê Şingalî de eşkerayîyêke daye.Eşkerayîye hetê Dexîl Miradî ra ameye wendene.

Miradî da zanayene ke PDK keno ke Şingal de fitne virazo û vat: ''PDKyî zanayêne ke bi zîyaretê serekwezîrê Iraqî planê înan do eşkera binê. Coka PDKyî Hazim Tehsîn Beg sey mîrî mojna û bi qiseyanê neraştan zîyaret asteng kerd. Ma venga Hazim Tehsîn Begî danê ke nameyê şarê ma û êzidîyan ser o qisey nêkero. Çunke o hînî sey mîrî mîyanê şarê ma de nêno qebulkerdene û o goreyê menfaetanê şarê ma nê, goreyê menfaetanê tay sîyasîyan têgêreno.''