Qezaya Hezroyî ya Amedî de bi şîarê '2Wext wexê serkewtişî yo'' Newroze ameye fîrazkerdene. Rixmê serd û sipirî amedijî bi tîlîlîyan verê xo da warê Newroze. Bi qerarê mehkeme şaro ke nuqteya cigêrayîşî ra ravêrt raştê cigêrayîşê barî ame.

Wekîla HDPyî ya Amedî Remzîye Tosun, Hemserekê Partîye yê Bajarî Zeyyat Ceylan û Gulîstane Atasoy û xeylêk kesî tewrê şayîye bîyî. Polîsan kerd ke destûrê rêzgirwtişî medê la rixmê nê şayîye bi rêzgirewtişî ameye destpêkerdene. Şayîya ke bi tewrbîyayîşê domanan bale ante xo ser de adir ame tafînayene û dormeyê ci de govende ameye girewtene.

Zeyyat Ceylanî ke tîya qisey kerd  Newroze şarî fîarz kerd û vat şarê kurdî do tim vera Dehaqan de payan ser bo.

Remzîye Tosun zî bale ante zextê îqtîdarê AKPyî ser û vat:  ''Îqîtdar Newroze ra terseno, kurdan ra cinîyan ê kurdan ra terseno. Virzêr reyna 24 embazê ma yê cinîyî destbend kerdî. Qîrayîşê azadîye yê cinîyan ê kurdan ra tersenê. Embazê ma ça benê wa bibê têkoşînî rê do dewam bikerê û Newroze fîraz bikerê. No îqtîdaro faşîst vano 'kurdî çîn ê.'  Şima çend zulm bikerî zî têkoşînê ma do dewam bikero. Şarê kurdî hinî peyser game nêerzeno.  Birêz Ocalano ke  22 serrî yo Îmrali de binê tecrîdê giranî de yo vat 'Destûr bidê ez hewteyêk haştîye bîyarî nê welatî' la no hesabê îqtîdarî nêame.  Felsefeya birêz Ocalanî ra tersenê. Coka gamêke nêerzenê. Eke ewro berê Îmraliyî bêro akerdene haştîye yena.

Badê qiseykerdişan hunermende Gulaye Kara deyîrî vatî. Şar bi deyîran govende girewte û tîlîlî antî.