Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

Çalakîyî

‘’4ê teşrîna verêne de Warê Xoverdayîşî yê Sîda de îşxalkerî dormeyê mewzîyanê şerî yê Şehîd Agirî de ameyî pirodayene. Çalakîyanê cîya cîyayan de 6 îşxalkerî ameyî cezakerdene. 5ê teşrîna verêne de îşxalkerê ke vera mewzîyanê şerî aver şiyênî reyna ameyî pirodayene, 2 îşxalkerî ameyî cezakerdene. 4ê teşrîna verêne de hêzanê ma yê YJA Starî de Warê Xoverdayîşî yê Girê Şehîd Derêşî yê Xakurkê de da îşxalkeran ro. Na çalakîye de mewzîyêke ameye îmhakerdene û 2 îşxalkerî ameyî cezakerdene. Warê Xoverdayîşî yê Girê Şehîde Axîne de zî îşxalkerî pê çekanê giranan ameyî pirodayene. 3ê teşrîna verêne de Warê Xoverdayîşî yê Girê Amedîyê de îşxalerî ameyî pirodayene, îşxalkerêk birîndar bi. 4ê teşrîna verêne de Warê Xoverdayîşî yê Girê Cûdîyî de  çalakîyanê cîya cîyayan de 2 îşxalkerî ameyî cezakerdene.

Bombarduman

Artêşa tirke ya îşxalkere 4ê teşrîna verêne de mewzîyê şerî yê Waranê Xoverdayîşî yê Sîda, Girê Amedîyê pê bombayanê qedexeyan û çekanê kîmyewîyan dayî bombayan ver. Reyna 4 û 5ê teşrîna verêne de Warê Xoverdayîşî yê Girê Hakarî, Giê Cûdî, Gir Amedîyê, Girê FM, Girê Çemço û warê Gundê Gûzê yê Garê û warê Girê Berbizinê û Hornê yê Goşînê yê Xakurkê pê teyarayanê şerî, helîkopteranê hêrişî û obusan dîyayî bombayan ver.

Cayê hêrişî de hêzê ma çîn ê

Tay çapemenîya başûrije îdîa kerd ke 4ê terşîna verêne de qezaya Şarbajarî ya Silêmanî de dewleta tirke vera wesayîtêko 2 PKKyijî tede yê,  hêrişê hewayî kerd. Cayê hêrişî de hêzê ma çîn ê û eleqeya ma pê çîn a.’’