Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

Bagok

''Artêşa tirke 1ê êlule ra heta 28ê êlue herêma Bagokî ya Mêrdînî de mabênê Gundê Hebabê û Girê Şehîd Akîfî de darî birnayî û kerd ke semedê îşxalî rayîr virazo. 28ê êlule de hêzanê ma da îşxalkeran ro. Çalakîye de kontrayêk ame cezakerdene û 2 kontrayîşî birîndar bîyî. Îşxalkerî di rojî dima ra destveng peyser agêrayî.

Na çalakîye semedê qesasê hemrayanê ma Xebat û Zana yê ke 7ê êlule de Omerya de şehîd bîyî ameye kerdene.

Besta

Herêma Besta ya Botanî de mabênê Girê Sêvo û Besta Bilûzerê de hetê îşxalkeran ra darî yenê birnayene. Hêzanê ma yê YJA Starî î 6ê teşrîna verêne de çalakîya sabotajî viraşt. Çalakîya bitesîre de 2 îşxalkerî ameyî cezakerdene  2 îşxalkerî birîndar bîyî.

Sîda

9ê teşrîna verêne de Warê Xoverdayîşî yê Sîda de dormeyê mewzîyanê şerî yê Şehîd Felatî de îşxalkerî ameyî pirodayene. 10ê teşrîna verêne de dormeyê mewzîyanê şerî yê Şehîd Agîrî yê Sîda de îşxalkerî têdima ameyî pirodayene. Nê çalakîyan  de 7 îşxalkerî ameyî cezakerdene û di kamerayê mobese ameyî îmhakerdene.

Girê Cûdîyî

10ê teşrîna verêne de Warê Xoverdayîşî yê Girê Cûdîyî de îşxalkerî pê çekanê giranan ameyî pirodayene. Çalakîyanê cîya cîyayan de di xeymê leşkerî û mewzîyêke ameyî derbkerdene. Eynî roje  îşxalkerê ke ver bi mewzîyanê şerî şîyênî ameyî pirodayene.

Bombarduman

Artêşa tirke ya îşxalkerî 10ê teşrîna verêne de zî mewzîyê şerî yê Warê Xoverdayîşî yê Girê Cûdî, Sîda, Girê FM,Çemço û Girê Amedîyê pê bombayanê qedexeyan û çekanê kîmyewîyan dayî bombayan ver. Reyna Warê Xoverdayîşî  pê teyaraya, helîkopter û obusan dîyayî bombayan ver.

Medyaya şerê taybetî ratş  nêvena

Çekdar Kayayo ke nameyê ci medyaya şerê taybetî ya îqtîdarê faşîstî ravêrno eleqeya ma pê çîn a. Goreyê zanayîşanê ke kewtî destê ma rewna sefanê ma ra qerfîyayo. Xeberê ke medyaya şerê taybetî de vejîyenê raşt nîyê, heme zûr ê.''