Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

‘’19ê êlule de Warê Xoverdayîşî yê Şehîd Fedakarî de îşxalkerê ke ver bi mewzîyanê şerî yê Şehîd Serxwebûnî şiyênî bi çekanê ferdîyan ameyî pirodayene. Îşxalkerî mecbûr mendê ke gamêke peyser biancîyê. Warê Xoverdayîşî yê Çemçoyî de zî çalakîya sûîkastî ameye kerdene, îşxalkerêk ame cezakerdene. 20ê êlule de Warê Xoverdayîşî yê Saca de îşxalkerî pê çekanê giranan ameyî pirodayene. Na çalakîye de îşxalkerêk ame cezakerdene. Eynî roje Warê Xoverdayîşî yê Girê Şehîd Şahanî yê Xakurkê de wesayîto  leşkerî yo bi tîpê kîrpî pê çekanê giranan ame pirodayene. Na çalakîye de wesayît ame îmhakerdene û 10 îşxalkerî ameyî cezakerdene. 19ê êlule de Warê Xoverdayîşî yê Girê Amedîyê de droneyêk dîya war û Warê Xoverdayîşî yê Girê Cûdîyî de çalakîya sabotajî ameyî kerdene. Girê Cûdî de eynî roje hêzanê ma yê YJA Starî zî çalakîya sûîkastî kerde, îşxalkerêk ame cezakerdene.

Qezaya Geverî ya Colemêrgî de 19ê êlule de herêma mabênê dewanê Kapotê, Yekmalê û Darê  de mabênê hêzanê ma û îşxalkeran de pêkewtişî qewimîyayî. Pêkewtişanê ke hîrê saetî kerd derg de 3 kontrayî ameyî cezakerdene. Hemrayê ma Eyleme û Evîne heta guleyanê xo yê peyênan bi hewayêkê qehremankîyî şer kerd û tewrê kerwanê şehîdan bîyî. Nasnameyê hemrayanê do peyra bêrê eşkerakerdene.  Medaya şerê taybetî yê dewleta tirke îdîa kerd ke nê pêkewişan de  gerîlayêk zî weş ameyo tepiştene la no raşt nîyo. Dewleta tirke badê nê pêkewtişan eşt dewanê herême ser û xeylêk sîvîlî destbend kerdî. Dewijan ra yewî rê îşkence kerd û medayaya xo ya şerê taybetî de sey gerîlayî ramojna.

 Artêşa tirke ya îşxalkere 19ê êlule de mewzîyê şerî yê Warê Xoverdayîşî yê Sîda, Girê FM, Girê Cûdî û Şehîd Adîlî pê bombayanê qedexeyan û çekanê kîmyewîyan dayî bombayan ver. Reyna Warê Xoverdayîşî yê  Sîda, Çemço, Saca, Girê Hakarî, Girê FM, Girê Cûdî, Girê Amedîyê, Girê Bihar û dormeyê awa Zapî pê teyarayanê şerî, helîkopteranê hêrişî û obusan dîyayî bombayan ver.’’