Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Xoverdayîşo tarîxî yê gerîlayanê azadîye vera artêşa tirke ya kolonyalîste bêmabên dewam keno. Çalakîyanê gerîlayanê ma yê fedayîyan de 20 îşxalkerî ameyî cezakerdene, 4 îşxalkerî birîndar bîyî û 1 mewzî ame îmhakerdene. 

Artêşa tirke ya îşxalkere Warê Xoverdayîşî 23 reyî pê bombaya nuklerî ya taktîkî û çeka kîmyewîye, 10 reyî pê teyaraya şerî, obus û çeka girane dayî bombayan ver.

Detayî wina yê:

Çarçewa Hemleya Şorişgêre ya Şehîd Savaş Maraşî ya Cengê Xabûrî de, herêma Metîna de;

7ê êlule de Warê Xoverdayîşî yê Girê Hekarî de îşxalkerî dima ke gêrîyayî binê kontrolî ameyî pirodayene. Dimayê çalakîye îşxalkerî vilayê erazî bîyî û mabênê hêzanê ma û îşxalkeran de pêkewtişê giranî qewimîyayî. Netîceya çalakîye de tewr tay 5 îşxalkerî ameyî cezakerdene.

Pêkewtişan de embazanê ma yê milîtananê fedayîyan ê Hemleya Cengê Xaburî Çayan û Şahînî vera dişmenî bi fedayîtî şer kerd û şehîd bîyî. Nasnameyê embazanê ma yê şehîdan wina yê:

Nameyê Qodî: Çayan Goran Name û Peyname: Harun Hazır Cayê Bîyayîşî: Wan Maye-Pî: Cahîde – Mehmet Kasim Tarîx û Cayê Şehadetî: 7ê Êlula 2022yî / Metîna

Nameyê Qodî: Şahin Bahoz Name û Peyname: Qeddûr Şêx Salih Cayê Bîyayîşî: Kobanê Maye-Pî: Fadîle – Xalid Tarîx û Cayê Şehadetî: 7ê Êlula 2022yî / Metîna

 

Embaz Çayan Wan de dadîya xo ra beno.  Embaz Çayano ke dadîya ci tedaya dewlete ra dinyaya xo bedilnaya, verî tewrê xebetanê ciwanan beno. Embaz Çayan wextêk beno esîr û diima ke 2013 de zîndanî ra vejîyayo tewrê gerîlayan beno. O wextê hêrişanê DAÎŞî de derbazê Şingalî beno û tîya de reya verêne şerî pratîze keno. O Şingal de fermandaranê ma yê ercîyayeyan Agid Civyan, Dilşêr Herekol û Çeko Çatakî de şer keno û tecrubeyanê pîlan visneno destî. Şingalî ra dima o verê xo dano Vakurê Kurdîstanî û Besta û Wanî de vera dişmenî tewrê çalakîyanê serkewteyan beno.  O Vakur de xebatanê rêxistinîya şarî de zî cagêno. Embaz Çayan dima derbazê Metîna beno û tîya de fermandarîye keno. O warê Girê Hekarî yê Metîna de derbanê giranan dano dişmenî ro û dişmenî teng û şoq keno. Embaz Çayan sey fermandarêkê serkêşî yê gerîlatîya modernîteya demokratîke tim do bêro yadkerdene.

Embaz Şahîn  Kobanê de dadîya xo ra beno. Embaz Şahîn wextê Xoverdayîşê Kobanê de têkoşînê ma şinasneno, pê keweno tesîr û 2016 de Başûrê Kurdîstanî ra tewrê gerîlayan  beno. Embaz Şahîn verî perwerdeyan gêno û xo aver beno. Embaz Şahîn seba pisporîya çekanê giranan perwerdeyan gêno û marîfetê xo tim aver beno. Dima o derbazê Behdînanî beno û Metîna de tewrê şerî beno. Embaz Şahîn mîyanê tîmanê hereketînan de xeylêk çalakîyanê serkewteyan de derban dano dişmenî ro. O reyna Metîna de çalakîyêke de derbanê giranan dano dişmenî ro, bi qehremanî şer keno û şehîd beno.

Embaz Çayan û Şahîn pê çalakîyanê xo yê serkewteyan û caardişê taktîkê tîmanê hereketînan bîyî fermandarê serkêşî yê gerîlatîya dewrê neweyî. Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.

Çarçewa Hemleya Şorişgêre ya Şehîd Savaş Maraşî ya Cengê Xabûrî de 9ê êlule de Warê Xoverdayîşî yê Girê Cûdîyî de tîmanê ma yê hereketînan da îşxalkeran ro û 1 îşxalker ceza kerd.

Çarçewa Hemleya Şorişgêre ya Bazanê Zagrosî de herêma Avaşînî de;

Girê Şehîd Munzurî yê Mamreşoyî de rayîro ke seba îşxalî ameyêne kerdene, hetê tîmanê ma yê hereketînan ra gêrîya binê kontrolî. Hêzanê ma 8ê êlule de 29 îşxalkerê ke seba asayîşê rayîrî têgêrayêne hedef kerdî. Baska yewine ya çalakîye 4 îşxalkerî, baska diyîne ya çalakîye 2 îşxalkerî û baska hîrêyîne zî 2 îşxalkerî ceza kerdî û 3 îşxalkerî zî bi giranî birîndar kerdî. Na çalakîya bitesîre de bi temamî 8 îşxalkerî ameyî cezakerdene û 3 îşxalkerî zî birîndar bîyî. Na çalakîye seba vîrameyîşê embazanê ma yê ke Girê Sorî de hêrişê kîmyewî yê namerdî yê artêşa îşxalkere de şehîd bibî, ameye kerdene.

Çarçewa Hemleya Şorişgêre ya Bazanê Zagrosî de herêma Zapî de;

9ê êlule de Warê Xoverdayîşî yê Karkerî de îşxalkerî hetê tîmanê ma yê hereketînan ra ameyî pirodayene û na çalakîye de 2 îşxalkerî ameyî cezakerdene, 1 îşxalker zî birîndar bi.

9ê êlule de Warê Xoverdayîşî yê Şehîd Fedakarî yê Sîda de îşalkerî di reyî ameyî derbkerdene.

10ê êlule de Warê Xoverdayîşî yê Şehîd Fedakarî yê Sîda de îşalkerî ameyî derbkerdene ke waştêne mewzîyanê Şehîd Bahozî bidê bombayan ver.

Çarçewa Hemleya Şorişgêre ya Bazanê Zagrosî de herêma Xakurkê de;

9ê êluele de Girê Şehîd Axînî yê Xakurkê de tîmanê ma yê hereketînan ê YJA-Starî da îşxalkeran ro û çalakîye de 4 îşxalkerî ameyî cezakerdene, 1 mewzî ame îmhakerdene.

Hêrişê ke artêşa îşxalkere pê teqaber, bombaya nuklere û çeka kîmyewîye kerdê;

9ê êlule de Warê Xoverdayîşî yê Karkerî, Çemço, Girê FM, Girê Cûdî û Şehîd Fedakarî dîyayî bombayan ver.

Hêrişê bînî yê artêşa îşxalkere;

9ê êlule de Warê Xoverdayîşî yê Şehîd Adilî, Girê FM, Girê Cûdî û Girê Amedîyê de têgêrayîşê dronan qewimîyayî.

9ê êlule de Warê Xoverdayîşî yê Sîda,Çemço, Şehîd Adilî û warê Deriyê Hirçê û Kanîsarkî yê Garê dîyayî bombayan ver.

9ê êlule de artêşa îşxalkere kerd ke mewzî û tunelanê Warê Xoverdayîşî yê Karkerî pê kepçeyan birijna.''