Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke de eşkerayîye daye û nê pare kerdî:

Zap

 “4ê êlule de Warê Xoverdayîşî yê Karkerî de îşxalkerî bi taktîkê sûîkastî ameyî pirodayene, îşxalkerêk ame cezakerdene.  Warê Xoverdayîşî yê Şehîd Adîlî yê Çemçoyî de zî çalakîyanê cîya cîyayan de 9 îşxalkerî ameyî cezakerdene. Dormeyê mewzîyanê şerî yê Şehîde Arjîne yê Çemçoyî de zî îşxalkerêk ame cezakerdene.Dormeyê mewzîyanê şerî yê Şehîd Bahozî yê Warê Xoverdayîşî yê Şehîd Fedakarî yê Sîda de îşxalkerê ke ameyî pirodayene mecbûr mendê ke gamêke peyser agêrê. 5ê êlule de Warê Xoverdayîşî yê Şîkefta Birîndara de îşxalkerî ameyî pirodayene. Warê Xoverdayîşî yê Şehîd Adîlî yê Çemçoyî de îşxalkerî ameyî pirodayene. Çalakîyanê cîya cîyayan de yewê înan payeberz 5 îşxalkerî ameyî cezakerdene û 4 zî birîndar bîyî. Warê Xoverdayîşî yê Şehîd Fedakarî de mobeseyêke ameye îmhakerdene.

Avaşîn

4ê êlule de Warê Xoverdayîşî yê Werxelê de wesayîtê kepçeyî ke semedê îşxalî rayrî virştêne ame pirodayene. Îşxalkerî mecbur mende ke xebata xo vindarnê. Reyna droneyê ke herême ser o gêrayênî ê zî ameyî pirodayene û herême ra kewtî dûrî.

Xakurkê

4ê êlule de mabênê Gelîya Reşî û Girê Masîro de çalakîya sabotajî ameye kerdene. Çalakîye de 13 îşxalkerî ameyî cezakerdene û wesayîtê bi tîpê Reo ame îmhakerdene.

Hemleya Şorişgêre ya Şehîd Savaş Maraşî yê Cengê Xabûrî

4ê êlule de Warê Xoverdayîşî yê Girê Cûdîyî de îşxalkerî ameyî pirodayene.  Warê Xoverdayîşî yê Girê Amedîyê yê Metîna de helîkopterê Skorskyî ame pirodayene. Helîkoptero ke  ame pirodayene seba ke kila girewt nêeşka fir bido  û herinda xo de vêşa bi wel.

Bombarduman

Artêşa tirke ya îşxalker 4 û 5ê êlule de vera mewzîyanê şerî yê Waranê Xoverdayîşî yê Girê Cûdî û Şehîd Fedakarî  bombaya nuklere û gazê kîmyewîyî şuxulnayî. Reyna  Warê Xoverdayîşî yê Girê Hakarî, Çemço, Sîda, Şehîd Adîl, Girê Amedîyê, Girê Cûdî û warê Girê Zengîlî yê Garê pê teyarayan, helîkopteran û obusan dîyayî bombayan ver."