Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Netîceya çalakîyanê tîmanê hereketînan ê gerîlayanê azadîye de derbê giranî dîyayî artêşa tirke ya îşxalkere, nê çalakîyan de 3 îşxalkerî ameyî cezakerdene, 1 helîkopterê Skorskyî ame derbkerdene. Artêşa îşxalkere Warê Xoverdayîşî 6 reyî pê teqaberan, çeka kîmyewîye û bombaya nuklere ya taktîkî; 22 reyî pê helîkopteran, 3 reyî pê teyarayanê şerî, obus û hawanan dayî bombayan ver. Artêşa îşxalkere kerd ke Warê Xoverdayîşî yê Werxelê û Şikefta Birîndaran de pê kepçeyan mewzîyanê şerî bişikna.

Detayê çalakîyanê gerîlayan û hêrişanê îşxalî wina yê:

Çarçewa Hemleya Şorişgêre ya Bazanê Zagrosî de, herêma Zapî de;

1ê êlule de tîmanê ma yê hereketînan warê Saca de di baskan ra helîkopterêkê Skorskyo ke waştêne leşkeran bîyara war hedef kerd û derb kerd. Skorsky çalakîye ra dima herême ra rema.

1ê êlule de Warê Xoverdayîşî yê Karkerî de komêka îşxalkeran pê taktîkê suîkastî ameye pirodayene û 1 îşxalker ame cezakerdene. Dima îşxalkerî reyna ameyî pirodayene û 2 îşxalkerî ameyî cezakerdene.

Nê çalakîyî seba vîrameyîşê Fermandaranê ma yê qehremanan ê şehîdan Dogan Jîrkî, Karker Serbest û Rojda Kotol ameyî kerdene.

Çarçewa Hemleya Şorişgêre ya Şehîd Savaş Maraşî ya Cengê Xabûrî de; 1ê êlule de Warê Xoverdayîşî yê Cûdîyî de îşxalkerê ke waştêne pê çeka kîmyewî û bombaya nuklere mewzîyanê şerî bidê bombayan ver, ameyî derbkerdene.

Hêrişê ke artêşa îşxalkere pê bombaya nuklere û çeka kîmyewîye kerdê;

1ê êlule de Warê Xoverdayîşî yê Girê Cûdî û Şikefta Birîndaran dîyayî bombayan ver. Şikefta Birîndaran de ameyî tesbîtkerdene ke gazo kîmyewîyo ke şuxilîyayêne, dûyê rengê grî û sîyayî verdayêne û wexto ke dûyo sîya temasê erdî kerdêne balonê qijî vetêne.

Hêrişê ke artêşa îşxalkere pê helîkopter, teyara, obus û hawanan kerdê;

1-2ê êlule de Warê Xoverdayîşî yê Çemço, Girê Amedîyê, Girê FM û Girê Cûdîyî de têgêrayîşê dronan qewimîya.

1ê êlule de Warê Xoverdayîşî yê Girê Amedîyê, Çemço, Girê FM, Girê Cûdî, Sîda, Şehîd Adil, Şikefta Birîndaran, Werxelê dîyayî bombayan ver.

1ê êlule de artêşa îşxalkere kerd ke Warê Xoverdayîşî yê Werxelê û Şikefta Birîndaran de pê kepçeyan mewzîyanê şerî bişikna.

1ê êlule de zî hêzanê PDKyî hêzanê artêşa îşxalkere reyde Warê Xoverdayîşî yê Girê Amedîyê de viraştişê rayîran rê dewam kerd.''