Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye.

Eşkerayîye wina ya:

''Gerîlayê azadîye pê mesuldarîyanê xo têgêrenê û pê xoverdayîşê xo plananê îşxalkeran xeripnenê. Artêşa tirke ya îşxalkere pêro erjanê exlaqî peygoş kena, gerîlayî vera na artêşe îradeyêkê pîlî mojnenê û pê bedelan verê ci gênê. Prosesê 5 serran de artêşa îşxalkere bi hezaran reyî sûcê şerî kerdî, teqaberî, bombaya nuklere ya taktîkî, çeka kîmyewîye û pêro îmkanê xo yê bînî seferber kerdî la nêeşkaye îrade û qerardarîya hêzanê ma bişiknê.

Çalakîyanê tîmanê ma yê hereketînan de 7 îşxalkerî ameyî cezakerdene, 1 mewzî û dron ame îmhakerdene. Artêşa îşxalkere 11 reyî pê teqaberan, bombaya nuklere û çeka kîmyewîye; 30 reyî zî pê helîkopteranê hêrişî, 10 reyî pê teyarayanê şerî, bi desan reyî zî pê obus û hawanan Warê Xoverdayîşî dayî bomabayan ver. Artêşa îşxalkere kerd ke mewzîyanê şerî yê Warê Xoverdayîşî yê Şikefta Birîndaran û Werxelê pê kepçe birijna. Hetê bînî ra artêşa îşxalkere Warê Xoverdayîşî yê Werxelê de verê mewzîyanê şerî de madeyê plastîkî û tekerê wesayîtan dayî adirî ver û duyê ci zî verda zereyê mewzîyanê şerî.

Detayê çalakîyanê gerîlayan û hêrişanê îşxalî wina yê:

Çarçewa Hemleya Şorişgêre ya Bazanê Zagrosî de herêma Zapî de;

26ê tebaxe de Warê Xoverdayîşî yê Çemçoyî de îşxalkerê ke waştêne ver bi mewzîyanê şerî şorê pê çekanê ferdîyan û bombayanê destî ameyî derbkerdene.

26ê tebaxe de Warê Xoverdayîşî yê Saca de dormeyê mewzîyanê şerî de îşxalkerî ameyî pirodayene û 1 îşxalker ame cezakerdene.

Çarçewa Hemleya Şorişgêre ya Bazanê Zagrosî de, herêma Xakurkê de;

25ê tebaxe de Girê Şehîd Botanî yê warê Ermûşî yê Xakurkê de tîmanê ma yê hereketînan pê çekanê giranan da îşxalkeran ro û 2 îşxalkerî ameyî cezakerdene, 1 mewzî ame îmhakerdene.

25ê tebaxe de şan warê Girê Karkerî yê Xakurkê de tîmanê ma yê hereketînan pê çekanê giranan da îşxalkeran ro û 3 îşxalkerî ameyî cezakerdene.

26ê tebaxe de warê Girê Şekîfî yê Xakurkê de dronêkê îşxalkeran ame hedefkerdene û îmhakerdene.

Çarçewa Hemleya Şorişgêre ya Cengê Xabûrî ya Şehîd Savaş Maraşî de 26ê tebaxe de Warê Xoverdayîşî yê Girê Cûdîyî de îşxalkerê ke xîret kerdêne ke kameraya mobese ca bikerê ameyî pirodayene û 1 îşxalker ame cezakerdene.

Hêrişê ke artêşa îşxalkere pê bombaya nuklere û çeka kîmyewîye kerdê;

26ê tebaxe de Warê Xoverdayîşî yê Girê Amedîyê, Werxelê, Şehîd Adilî û Şikefta Birîndaran, Çemçoyî dîyayî bombayan ver.

26ê tebaxe de Artêşa îşxalkere kerd ke mewzîyanê şerî yê Warê Xoverdayîşî yê Şikefta Birîndaran û Werxelê pê kepçe birijna. Hetê bînî ra artêşa îşxalkere Warê Xoverdayîşî yê Werxelê de verê mewzîyanê şerî de madeyê plastîkî û tekerê wesayîtan dayî adirî ver û duyê ci zî verda zereyê mewzîyanê şerî.

Hêrişê ke artêşa îşxalkere pê obus, hawan, helîkopter û tayarayî kerdî;

26ê tebaxe de Warê Xoverdayîşî yê Girê Amedîyê, Girê Cûdîyî û Girê FMyî de têgêrayîşê dronan qewimîya.

26-27ê tebaxe de Warê Xoverdayîşî yê Girê Hekarî, Girê Amedîyê, Girê Cûdîyî, Saca, Şehîd Adil, Xakurkê û warê Golka yê Metîna dîyayî bombayan ver.''