Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke yê 29ê tebaxe de eşkerayîye daye û nê pare kerdî:

''Warê Xoverdayîşî yê Werxelê  yê Avaşînî îşxalkerê ke semedê îşxalî rayîr virazenê ameyî hedefgirewtene. Çalakîye de kepçeyêk ame derbkerdene û îşxalkerî mecbur mendê ke karê xo vindarnê.

Warê Xoverdayîşî yê Girê Amedîyê de îşxalkerê ke ver bi mewzîyanê şerî yê Şehîd Sîpanî şîyênî hetê hêzanê ma ra hîrê hetan ra ameyî pirodayene. Çalakîye de îşxalkerê ke bi çekanê ferdîyan ameyî pirodayene ra 6 îşxalkerî ameyî cezakerdene û mewzîyê îşxalkeran pê çekanê giranan ameyî derbkerdene. Saetanê şewe helîkopterê bi tîpê Skorskyî ke waştênê Girê Amedîyê de leşekran rono hetê hêzanê ma ra ame derbkerdene.

Warê Xoverdayîşî yê Girê Hakarî de çalakîya YJA Starî de îşxalkerêk ame cezakerdene. Warê Xoverdayîşî yê Girê Cûdîyî de zî bi taktîkê sûîkastî îşxalkerêk ame cezakerdene.

Artêşa tirke ya îşxalkere mewzîyanê şerî yê  Warê Xoverdayîşî yê Girê Cûdî, Saca û Şikefta Birîndara pê bombaya nuklere û çekenê kîmyewîyan dayî bombayan ver. Îşxalkeran kerd ke mewzî û tunelanê şerî yê Warê Xoverdayîşî yê Werxelê pê kepçeyan birijnê. Reyna Warê Xoverdayîşî yê Girê Amedîyê, Kurojahro,  Girê Cûdî, Girê Hakarî, Şehîd Adîl, Sîda û Saca pê helîkopteran û teyarayan dîyayî bombayan ver.

PDK seba ke verê îşxalî abikero,  ver bi Warê Xoverdayîşî yê Girê Amedîyê rayîr virazeno. Xebatê viraştişê rayîrî dewam kenê. Dewleta tirke û hêzê PDKyî pîya nê rayîrî pawenê û pîya têgêrenê.''