Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

‘’26ê êlule de Warê Xoverdayîşî yê Sîda de dormeyê mewzîyanê şerî yê Şehîd Agirî de îşxalkerî hetê hêzanê ma ra pê çekanê giranan ameyî pirodayene. Na çalakîye de 3 îşxalkerî ameyî cezakerdene û xeymêka leşkerî ameye îmhakerdene. Reyna saetanê cemê şanî de eynî warî de îşxalkerî pê çekanê ferdîyan û bombayanê destî ameyî pirodayene. Netîceya pirodayîşanê hêzanê ma de îşxalkerî pîya bi teqaberanê xo ameyî teqnayene. Na çalakîye de tewr tay 2 îşxalkerî ameyî cezakerdene. Eynî roje Warê Xoverdayîşî yê Çemçoyî de çalakîya sûîkastî ameye kerdene, îşxalkerêk ame cezakerdene. 27ê êlule de warê Çemçoyî de îşxalkerî reyna ameyî pirodayene, îşxalkerêk ame cezakerdene. Warê Xoverdayîşî yê Girê Cûdîyî de zî îşxlakerî pê taktîkê sûîkastî ameyî pirodayene, îşxalkerêk ame cezakerdene.

Artêşa tirke ya îşxalkere 26ê êlule de Warê Xoverdayîşî yê Girê FM, Saca û Sîda pê bombayanê qedexeyan û çekanê kîmyewîyan dayî bombayan ver.Reyna Warê Xoverdayîşî yê Çemço, Girê FM, Kurojahro, Girê Amedîyê û Karkerî û warê Girê Şekîfî yê Xakurkê, warê Girê Ortê yê Metîna pê teyarayanê şerî, helîkopteranê hêrişî û obusan dîyayî bombayan ver.’’