Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayanê azadîye yê Kurdîstanî de eşkerayîyêke daye.

Eşkerayîye wina ya:

''Artêşa tirke ya ke sûcdara şerî ya, pê xoverdayîşê tarîxî yê gerîlayan nêeşkaye, rixmê pêro metodanê gemarinan zî verê gerîlayanê azadîye de nêeşkaye netîceyêke bivisna destî. Tîmê ma yê hereketînî mewzîyan de bi fedakarî şer kenê, cografyaya Kurdîstanî bi serkewtişî şuxilnenê û her roje derbanê giranan danê artêşa tirke ro. Netîceya 8 çalakîyanê gerîlayanê ma de 9 îşxalkerî ameyî cezakerdene, 2 mewzîyî ameyî îmhakerdene. Artêşa tirke ya îşxalkere Warê Xoverdayîşî de 6 reyî pê çekanê kîmyewîyan û bombayanê qedexekerdeyan, 13 reyî pê teyarayanê şer, bi desan reyî zî pê obus, tank û çekanê giranan dayî bombayan ver.

Detayê nê çalakîyanê gerîlayan û hêrişanê îşxalî wina yê:

Çarçewa Hemleya Şorişgêre ya Bazanê Zagrosî de, herêma Zapî de;

î8ê teşrîna verêne de Warê Xoverdayîşî yê Sîda de, mewzîyanê Şehîd Felatî de îşxalkerî ameyî hedefkerdene û dima reyna nê îşxalkerî ameyî derbkerdene.

8ê teşrîna verêne de Warê Xoverdayîşî yê Sîda de, mewzîyanê Şehîd Felatî de îşxalkeran lastîkî vêşnayî û dûyê jehrînî vistî zereyê şikefteyan. Hêzanê ma da înan ro. Netîceya mudaxeleyê hêzanê ma de îşxalkeran gamêke xo apey girewt.

8ê teşrîna verêne de Warê Xoverdayîşî yê Çemçoyî de îşxalkerî pê çekanê giranan ameyî derbkerdene.

8ê teşrîna verêne de Warê Xoverdayîşî yê Çemçoyî de mewzîyanê Şehîd Botanî de îşxalkerî ameyî derbkerdene.

Çarçewa Hemleya Şorişgêre ya Bazanê Zagrosî de herêma Xakurkê de;

6ê teşrîna verêne de Xakurkê de, Warê Xoverdayîşî yê Girê Şehîd Axînî de îşxalkerî ameyî pirodayene û 3 îşxalkerî ameyî cezakerdene. Dima îşxalkerî reyna ameyî pirodayene û reyna 3 îşxalkerî ameyî cezakerdene. Netîceya nê çalakîyan de 6 îşxalkerî ameyî cezakerdene û 1 mewzî ame îmhakerdene.

8ê teşrîna verêne de Xakurkê de, Warê Xoverdayîşî yê Girê Şehîd Derwêşî de gerîlayanê YJA-Starî da îşxalkeran ro. Na çalakîye de 3 îşxalkerî ameyî cezakerdene û 1 mewzî ame îmhakerdene.

Hêrişê ke artêşa îşxalkere pê bombaya qedexekerde û çeka kîmyewîye kerdê;

8ê teşrîna verêne de Warê Xoverdayîşî yê Çemçoyî de Şehîd Aryen, Şehîd Serxwebûn û Şehîd Bahoz, Warê Xoverdayîşî yê Sîda de mewzîyê Şehîd Felatî dîyayî bombayan ver.

Hêrişê bînî:

7-8ê teşrîna verêne de warê Girê Ortê, Golka, Serê Metîna, Şelazê û Bêşilê yê Metîna, warê Gelîya 44î ya Xakurkê, 8ê teşrîna verêne de Warê Xoverdayîşî yê Girê Ortê, Girê FM, Gundê Fila, Çemçı, Xakurkê dîyayî bombayan ver.

8ê teşrîna verêne de Sîda û Saca de têgêrayîşê dronana qewimîya. Artêşa îşxalkere kerd ke Warê Xoverdayîşî yê Karkerî de mewzîyan pê kepçeyan bişikna.''