Merkezê Îrtîbatî û Çapemenîye yê HPGyî bi eşkerayîyêke nasnameyê 5 şehîdanê Zapî pare kerdî.

Eşkerayîye wina ya:

''Warê Zapî yo ke bi xoverdayîşanê xo yê destanwarîyan nameyê xo tarîxê têkoşînê kurdan ser o nuşt, ewro zî artêşa tirke ya îşxalkere rê dersanê tarîxîyan dano. Warê Zapî de destananê tewr pîlan ra yew qewimîyeno. Zapî reyna rayîr nêda îşxalkeran. Bêgûman rolê şehîdanê ma yê bêmergan kerd ke Zap bibo kelayêka xoverdayîşî ya winasêne. Şehîdanê ma rayîrê cuya rûmetên û azade de, sey raywananê wextê manadarî her hela xo pê xoverdayîş û têkoşînî munite. Şehîdanê ma seba ke şarê ma welatê azadî de bi rûmetê xo biciwîyê pê tewirêkê fedayî yê bêmîsalî vera kapîtalîzmî û hemkarê ci kolonyalîzmê tirkan şer kerd.

Embazê ma Sara, Sehere, Seyîtxan, Zana û Brûsk bi pêro hîsanê xo tewrê nê şerî bîyî, înan serkêşîya xoverdayîşo ke vera hêrişanê dişmenî roje bi roje beno pîlêr, kerde û şehîd bîyî. Nê embazê ma cayanê cîyayan ê Vakurê Kurdîstanî ra ameyî, mîrê Apogîrî de yew bîyî û înan mujdeyê serdîrazîye da.

Ma sere de keyeyanê înan ê ercîyayeyan rê, pêro şarê welatperwerî yê Kurdîstanî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Sara Agirî Serhildan Name û Peyname: Salîha Kaya Cayê Bîyayîşî: Agirî Maye-Pî: Ayşe – Kemal Tarîx û Cayê Şehadetî: 18ê Hezîrana 2022yî / Zap

Nameyê Qodî: Seher Denîz Name û Peyname: Hatîce Ateş Cayê Bîyayîşî: Mêrdîn Maye-Pî: Fatma – Abdulazîz Tarîx û Cayê Şehadetî: 18ê Temmuza 2022yî / Zap

Nameyê Qodî: Seyîtxan Elegez Name û Peyname: Azad Karakuş Cayê Bîyayîşî: Wan Maye-Pî: Halîme – Cahît Tarîx û Cayê Şehadetî: 6ê Hezîrana 2022yî / Zap

Nameyê Qodî: Zana Amed Name û Peyname: Abdullah Kan Cayê Bîyayîşî: Amed Maye-Pî: Kawê – Şerîf Tarîx û Cayê Şehadetî: 6ê Hezîrana 2022yî / Zap

Nameyê Qodî: Brûsk Amed Name û Peyname: Hasan Akdemîr Cayê Bîyayîşî: Amed Maye-Pî: Habîbe – Mehmet Sadik Tarîx û Cayê Şehadetî: 18ê Nîsana 2022yî / Zap

 

Embaze sara Agirî de dadîya xo ra bena. A verî zanîngeh de tewra xebatanê ciwanan bena û dima ameye tepiştene. 2015 de dima ke zîndanî ra vejîyaye a sere de Amed, Riha, Îstanbul xeylêk şaristanan de xebatanê ciwanan û cinîyan de rolê serkêşî kay kena û 2016 de zî verê xo dana koyan. Embaze Sara xebatanê Komalanê Ciwanan de cagêna û perwerdeyan gêna. Dima derbazê Zapî bena û heta şehadetê xo zî Zap de têkoşîn kena. Embaze Sara Warê Xoverdayîşî yê Kurjahroyî de serkêşîya embazanê xo kena û bêteredut dana îşxalkeran ro.

Embaze Sehere Mêrdîn de dadîya xo ra bena la Almanya de bena pîl. Embaze Sehere rixmo ke Almanya de wayîra îmkanan bîye û mamostatîye kerdêne bi qerardarî 2016 de agêrena Kurdîstanî û tewra gerîlayan bena. Embaze Sehere pê perwerdeyan xo aver bena dima zî tewra Hêzanê Taybetan bena. Embaze Sehere pê ked û jîhatîya xo bena fermandar û Herêmanê Pawitişî yê Medya de vera dişmenî bêteredut têkoşîn kena.

 

Embaz Seyîtxan Wan de dadîya xo ra beno û Îzmîr de beno pîl. Kekê ey Seuîtxan Giravî (Seyîthan Karakuş) 2002 de tewrê gerîlayan bibi û 2007 de Dêrsim de şehîd bibi. Embaz Seyîtxan zî seba ke qesasê kekê xo bigêro 2015 de verê xo dano koyanê azadan. O perwerdeyan ra dima derbazê Zapî beno û heta şehadetê xo uca de maneno. Embaz Seyîtxan mîyanê gerîlayan de tim keno ke pêro meseleyan çareser bikero û nê esasî ser o têkoşînê xo ano ca. O tewrê xeylêk çalakîyanê Hemleya Bazanê Zagrosî beno. Ma do şehadetê ey pê serfîrazîye tacîdar bikerê.

Embaz Zana Amed de dadîya xo ra beno. O verî tewrê xebatanê ciwanan beno û 2014 de zî verê xo dano koyan. Embaz Zana bi xurtî tewrê xebatan beno. O Zap de wextê hêrişanê îşxalî de embazanê xo reyde bi milîtanî şer keno û derbanê pîlan dano artêşa tirke ro. Embaz Zana pê enerjîya ciwanîye kedanê pîlan dano Zapî. Cu û şerê ey qetî vîran ra nêşoro û embazê ey têkoşînê ey pê serkewtişî tacîdar bikerê.

Embaz Brûsk qezaya Licê ya Amedî de dadîya xo ra beno. Embaz Brûsk xoverdayîşê Kobanê û xoverdayîşê xoîdarekerdişî yê Sûrî ra dima tewrê xebatanê ciwanan beno. Dima o pê hêrsê vera dişmenî 2017 de tewrê gerîlayan beno. Embaz Brûsk perwerdeyan ra dima derbazê Zapî beno. O Zap de hema destpêkê hêrişanê 14ê nîsane de xoverdayîşêkê pîlî mojneno û pê îradeyêkê pîlî vera dişmenî şer keno. Erjê ke embaz Brûskî afernayî do mîyanê têkoşînê ma de biciwîyê.''