HPG: Şehîdê ma temînatê sibayanê azadan ê
HPGyî nasnameyê hîrê gerîlayanê ke şehîd bîyî, eşkera kerdî û vat: ''Hemrayê ma Agir, Botan û Îsmaîl bîyî temînatê sibayênê azadan ê şarê ma.''
Merkezê Îrtîbatî û Çapemenîye yê HPGyî bi eşkerayîyêke nasnameyê hîrê gerîlayanê ke şehîd bîyî eşkera kerdî û nê vatî:
''10ê nîsana 2016 de warê Xîzanî yê Bedlîsî de gama ke hemrayê ma Agir û Botanê warê operasyonê artêşa tirke ra vejîyayêne bi tewirêkê bêtelîhî awe de fatisyayî û tewrê kerwanê şehîdan bîyî.
Nasnameyê embazanê ma yê şehîdan wina yê:
|
|
Nameyê Qodî: Agir Sozdar Name û Peyname: Yetîş Top Cayê Bîyayîşî: Bedlîs Maye-Pî: Salîha-Aydin Tarîx û Cayê Şehadetî: 10ê Nîsana 2016î / Garzan |
|
|
Nameyê Qodî: Botan Garzan Name û Peyname: Bariş Tabak Cayê Bîyayîşî: Bedlîs Maye-Pî: Makbûle-Veysî Tarîx û Cayê Şehadetî: 10ê Nîsana 2016î / Garzan |
Hemrayê ma Agir Bedlîs de ameyo dinya û tîya bîyo pîl. Ciwanîya xo ra seba ke vera polîtîkaya qirkerdişî ya dewleta tirke ya ke vera kurdan yena rayraberdene têkoşîn bikero tim cigêrayîş de bi. Seba ke cewabo tewr pîl bido îşxalkeran 2015 de verê xo dayo koyanê azadan ê Kurdîstanî. Hemrayê ma Agiro ke herra xo Garzan de tewrê sefanê gerîlayan bîyo roja verêne ra heta hela peyêne keda pîle daye.
Hemrayê ma Botano ke Bedlîs de ameyo dinya û tîya bîyo pîl. Semedê pawitişê erd û şarê xo 2015 de tewrê sefanê gerîlayan bîyo ke têkoşînê tewr pîlî bido. Roja verêne ya tewrbîyayîşî ra çîyo ke pewerdeyî de musayo pratîk de bi hewayêkê tewr rindî ardo ca. Seba ke bi felsefeya Rayberîye xo aver bêro û bibo mîlîtanêko serkewte zaf xebitya. Tifingê hemrayê ma Botanî erdî de nêmend birayê ci herinda ci girewte.
Çeleyê 2017î de hêrişê artêşa tirke yê vera Erziromî de hemrayê ma Îsmaîl şehîd bi. Hemrayê ma Îsmaîlo ke Şorişê Kurdîstanî de sey serkêşî ca girewt û wezîfeyê xo serkewte ard ca ma serrgêra şehdadetê ci de bi hurmet yad kenê.
Nasnameyê hemrayê ma Îsmaîlî wina yo:
|
|
Nameyê Qodî: Îsmaîl Perî Name û Peyname: Mûrat Bozkaya Cayê Bîyayîşî: Bedlîs Maye-Pî: Tarîx û Cayê Şehadetî: Çeleyê 2017î / Erzîrom |
Hemrayê ma Îsmaîl Bedlîs de ameyo dinya û kulturê welatperwerîye bîyo pîl û tim Têkoşînê Azadîye yê Kurdîstanî teqîp kerdo. Tewr peynî de 2011 de tewrê sefanê gerîlayan bîyo. Rixmê serranê xo yê ciwanî seba ke xeyalanê azadîye yê şarê xo bîyaro ca vera îşxalkeran mîyanê têkoşînî de cayê xo girewto. Hemrayê ma Îsmalî xeta Rayberîye û şehîdan de gamê xurtî eştî û semedê embazanê xo biyo çimeyê hêzî.
Hemrayê ma Agir, Botan û Îsmaîl yê ke semedê azadîya şarê xo tewrê sefanê PKKyo ke Kurdîstan de nameyê cuya newî yo bîyî û şehîd kewtî bîyî temînatê sibayênê azadan ê şarê ma. Sere de keyeyê erjîyayeyî yê şehîdanê ma yê qehremanan wa sereyê şarê Bedlîsî û şarê welatperwerî yê Kurdîstanî weş bo.''
